Сурет: Уикипедия
Алматыда әл-Фараби атындағы ҚазҰУ-дың 1-курс студенті қаза болды. Ақпаратты ЖОО-ның баспасөз қызметі растады, деп хабарлайды «Адырна» тілшісі.
«Әл-Фараби атындағы Қазақ ұлттық университетінің ұжымы география және табиғатты пайдалану факультетінің бірінші курс студентінің мезгілсіз қайтыс болуына байланысты ата-анасына, туған-туыстары мен жақындарына қайғырып көңіл айтады»,– делінген хабарламада.
Сондай-ақ оқу орны студенттің отбасына материалдық және моральдық қолдау көрсететінін мәлімдеді. Университет әкімшілігі болған оқиғаның мән-жайын анықтау үшін құқық қорғау органдарына көмектесіп жатқанын жеткізді.
Полиция аталған факті бойынша қылмыстық іс қозғаған.
«Күдікті ұсталды. Қазіргі уақытта тергеудің толықтығын, жан-жақтылығын және объективтілігін қамтамасыз етуге бағытталған кешенді тергеу амалдары жүргізіліп жатыр», – делінген хабарламада.
Еске салайық, 6 қарашада журналистика факультетінің бірінші курс студенті өмірден озған еді. Аталған оқиғаға байланысты полиция қылмыстық іс қозғаған.
Ғылым және жоғары білім министрі ҚазҰУ-дың Қылмыстық-процестік кодекс нормаларына байланысты бұл іске қатысты ақпарат тарата алмайтынын түсіндірген болатын. Министрлік өкілдері қыздың қамқоршыларымен байланысқа шыққан. Ал қажетті шығындардың барлығын университет өз мойнына алған.
От «Закона и порядка» до идей студентов: как в Ташенев университете разбирали новые ориентиры страны
