قازاقستان ورتالىق ازيا ەلدەرىنەن كەلگەن ستۋدەنتتەرگە جاڭا شاكىرتاقى مەن كۆوتا بولەدى

2552
Adyrna.kz Telegram
فوتو: Facebook
فوتو: Facebook

قازاقستان ءال-فارابي اتىنداعى جاڭا شاكىرتاقىنى ىسكە قوسىپ، ورتالىق ازيا ەلدەرىنەن كەلگەن ستۋدەنتتەرگە كۆوتا بولەدى. بۇل تۋرالى قر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.

«ءبىز ءال-فارابي اتىنداعى ستيپەنديالىق باعدارلامانى ىسكە قوسىپ، ورتالىق ازيا ەلدەرىنىڭ ازاماتتارىنا كۆوتا بولۋگە دايىنبىز. بۇگىن ءبىز قازاقستاندا BFUG وكىلدىگىن اشۋ ماسەلەسىن كوتەردىك. بۇل ەۋروپا مەن ورتالىق ازيا ەلدەرى اراسىنداعى جوعارى ءبىلىم جانە بولون ۇدەرىسى قاعيداتتارىن ايماقتا تاراتۋ سالاسىنداعى ارىپتەستىكتى نىعايتادى»، - دەپ جازدى مينيستر Facebook-تە.

ەسكە سالايىق، جاڭا ستيپەنديالىق باعدارلاما قۇرۋ باستاماسى مينيسترلىك وكىلدەرى، سونداي-اق ورتالىق ازيا ەلدەرىنەن 133 جوو رەكتورى قاتىسقان ۋنيۆەرسيتەت رەكتورلارىنىڭ فورۋمى بارىسىندا ايتىلدى.

“ادىرنا” ۇلتتىق پورتالى

پىكىرلەر