اقمولا وبلىسىندا قوعامدىق كەلىسىمدى ساقتاۋ مەن ەتنوسارالىق تاتۋلىقتى نىعايتۋ باعىتىنداعى جۇمىستاردىڭ ناتيجەسى سارالانىپ، الداعى كەزەڭنىڭ باسىمدىقتارى ايقىندالدى.
اقمولا وبلىسى ىشكى ساياسات باسقارماسىنىڭ باسشىسى گۇلميرا كارىموۆا «قوعامدىق كەلىسىم» كمم-دە ەتنومادەني بىرلەستىكتەر مەن قوعامدىق قۇرىلىمداردىڭ وكىلدەرىمەن كەزدەستى.
كەزدەسۋدە بيىل اتقارىلعان جۇمىستاردىڭ قورىتىندىسى شىعارىلىپ، كەلەسى جىلعا ارنالعان جوسپارلار ورتاعا سالىندى. اڭگىمە تەك وتكەننىڭ ەسەبىمەن شەكتەلگەن جوق. مەملەكەت باسشىسىنىڭ قازاقستان حالقىنا جولداۋىندا بەلگىلەنگەن مىندەتتەردى وڭىرلىك دەڭگەيدە جۇزەگە اسىرۋ ماسەلەلەرى دە كەڭىنەن قوزعالدى.
اتاپ ايتقاندا، قوعامدىق كەلىسىم مەن جالپىۇلتتىق بىرلىكتى نىعايتۋ، ازاماتتىق قوعام ينستيتۋتتارىنىڭ بەلسەندىلىگىن ارتتىرۋ، ەتنوسارالىق تاتۋلىقتى ساقتاۋ جانە قوعامدىق باستامالارعا قولداۋ كورسەتۋ باعىتتارىنا ەرەكشە نازار اۋدارىلدى.
جيىندا قوعامدىق قۇرىلىمداردىڭ وكىلدەرى ءوز سالالارى بويىنشا الداعى جۇمىس جوسپارلارىن تانىستىردى. «ەل جاستارى» رقب اقمولا وڭىرلىك وكىلدىگىنىڭ توراعاسى م. داۆرانوۆ جاستارمەن جۇمىس جانە ولاردىڭ قوعامدىق ومىرگە ارالاسۋى جونىندەگى باستامالارىمەن ءبولىستى.
مەدياتسيا كەڭەسىنىڭ توراعاسى گ. ماديەۆا قوعامداعى ءوزارا تۇسىنىستىك پەن داۋلى ماسەلەلەردى بەيبىت جولمەن شەشۋدىڭ ماڭىزىن اتاپ وتسە، انالار القاسىنىڭ توراعاسى ا. جاحينا وتباسى قۇندىلىقتارى مەن ۇرپاق تاربيەسىنە قاتىستى جۇمىستارعا توقتالدى.
ال جۋرناليستەر كلۋبىنىڭ توراعاسى گ. سالىق اقپاراتتىق باعىتتاعى مىندەتتەردى ورتاعا سالدى. عىلىمي-ساراپتامالىق توپتىڭ توراعاسى م. وتەگەنوۆ قوعامدىق ۇدەرىستەردى ساراپتامالىق تۇرعىدان زەردەلەۋ مەن عىلىمي نەگىزدەلگەن ۇسىنىستار ازىرلەۋ ماسەلەلەرىنە نازار اۋداردى.
قوعامدىق كەلىسىم ءبىر عانا مەكەمەنىڭ نەمەسە جەكەلەگەن ۇيىمنىڭ كۇشىمەن قالىپتاسپايدى. ول - ءتۇرلى قوعامدىق ينستيتۋتتاردىڭ ءوزارا سەنىمى، ورتاق جاۋاپكەرشىلىگى جانە كۇندەلىكتى جۇيەلى جۇمىسىنىڭ ناتيجەسى.
سوندىقتان مۇنداي كەزدەسۋلەردىڭ ءمانى اتقارىلعان ءىستى تۇگەندەۋمەن عانا ولشەنبەيدى. ەڭ باستىسى - ءار قۇرىلىمنىڭ قوعام الدىنداعى مىندەتىن ناقتىلاپ، ورتاق ماقسات جولىنداعى ءىس-قيمىلىن ۇيلەستىرۋ.
