كوكشەتاۋداعى «قوعامدىق كەلىسىم» كمم-دە جاڭا وقۋ جىلى قارساڭىندا «مەكتەپكە جول» قايىرىمدىلىق اكتسياسى ءوتتى. شارا بارىسىندا الەۋمەتتىك قولداۋدى قاجەت ەتەتىن وتباسىلاردىڭ بالالارىنا مەكتەپكە قاجەتتى وقۋ قۇرالدارى مەن كەرەك-جاراقتار تابىستالدى.
اكتسياعا قازاقستان كورەيلەرى قاۋىمداستىعىنىڭ اقمولا وبلىستىق فيليالىنىڭ مۇشەسى ەكاتەرينا كان، «باري» ارميان مادەني ورتالىعىنىڭ ءتورايىمى ارمينە تورويان، كوكشەتاۋ قالاسىنداعى ءازىربايجاندار قاۋىمداستىعى فيليالىنىڭ مۇشەسى كاۆكاز گاديروۆ، سونداي-اق وزبەك جانە «ماناس» ەتنومادەني ورتالىقتارىنىڭ وكىلدەرى قاتىستى.
«قوعامدىق كەلىسىم» كمم باسشىسى قۋانىش شاقشاقوۆ بالالارعا قولداۋ كورسەتۋدىڭ ماڭىزىن اتاپ ءوتتى.
«بالاعا جاسالعان قامقورلىق – قوعامنىڭ ادامگەرشىلىك دەڭگەيىنىڭ كورسەتكىشى. ءار بالا جاڭا وقۋ جىلىن قۋانىشپەن باستاۋى كەرەك. وسى يگى ىسكە ۇلەس قوسقان ازاماتتارعا العىسىمىزدى بىلدىرەمىز»، – دەدى ول.
ۇيىمداستىرۋشىلاردىڭ ايتۋىنشا، مۇنداي اكتسيالاردىڭ ماقساتى – بالالارعا قاجەتتى قولداۋ كورسەتۋ عانا ەمەس، قوعامداعى مەيىرىمدىلىك پەن ءوزارا كومەكتى نىعايتۋ.
ءارتۇرلى ەتنومادەني بىرلەستىك وكىلدەرىنىڭ ءبىر شارا اياسىندا باس قوسىپ، بالالارعا قولداۋ كورسەتۋى ەلدەگى بىرلىك پەن قوعامدىق كەلىسىمنىڭ ناقتى كورىنىسىنە اينالدى.
جاڭا وقۋ جىلى قارساڭىنداعى بۇل باستاما بالالارعا قۋانىش سىيلاپ، ولاردىڭ مەكتەپكە جاقسى كوڭىل-كۇيمەن بارۋىنا مۇمكىندىك بەردى.
