بۇگىن تاجىكستان پرەزيدەنتى ەمومالي راحمون پارلامەنتكە جىل سايىنعى جولداۋىن جاسادى. ول ءوز سوزىندە تاجىك حالقى ءۇشىن ماڭىزدى ماسەلەلەرگە توقتالىپ، ەلدىڭ وتكەن جىلعى نەگىزگى كورسەتكىشتەرىن جاريالادى، دەپ حابارلايدى “ادىرنا” ۇلتتىق پورتالى.
سونداي-اق، ول روگۋن سۋ ەلەكتر ستانتسياسىن قايتا قۇرۋ جايىندا دا ءسوز قوزعادى.
«ءبىزدىڭ ەلەكتر ەنەرگياسىنىڭ ىسىراپتارى شامامەن 4 ملرد كۆت قۇرايدى. بۇعان توسقاۋىل قويساق، ەلەكتر ەنەرگياسى بارلىعىنا جەتەدى.
بۇل ىسىراپتار توقتاسا، تۇرعىندارعا جارىق ءۇزىلىسسىز بەرىلەدى. وسى ماقساتتارعا تاجىكستان ۇكىمەتى ەنەرگەتيكالىق نىسانداردى، سونىڭ ىشىندە ءۇشىنشى بلوگىن 2025 جىلى پايدالانۋعا بەرۋ جوسپارلانعان روگۋن سۋ ەلەكتر ستانتسياسىن قايتا قۇرۋ مەن جوندەۋگە شامامەن 9 ميلليارد سوموني ءبولدى. سونىمەن قاتار، بالامالى وتىن كوزدەرىنە كوشۋ بويىنشا بەلسەندى جۇمىستار جۇرگىزىلۋدە»، - دەدى ول.
