قازنەتتە ەر ادامنىڭ قىزىن تۋعان كۇنىندە ەرنىنەن ءسۇيىپ قۇتتىقتاعانى تۇسىرىلگەن ۆيدەو ۇلكەن رەزونانس تۋدىرىپ، قىزۋ تالقىعا ءتۇستى. اتالعان بەينەجازباعا شىعىس قازاقستان وبلىسىنىڭ پوليتسيا دەپارتامەنتى پىكىر ءبىلدىردى، دەپ حابارلايدى «ادىرنا» ءتىلشىسى.
«اتالعان اقپارات تىركەلدى. قازىرگى ۋاقىتتا تەكسەرۋ جۇمىستارى جۇرگىزىلىپ جاتىر. تەكسەرۋ جۇمىستارىنا ءبىلىم باسقارماسىنىڭ جانە جەرگىلىكتى اتقارۋشى ورگاننىڭ قىزمەتكەرلەرى تارتىلدى»، – دەلىنگەن حابارلامادا.
قازان ايىندا استانادا قۇربىسىنا ۇلىنىڭ ەرنىنەن سۇيۋگە رۇقسات بەرگەن ايەل دە جاۋاپقا تارتىلعان بولاتىن. بۇل ۆيدەو دا الەۋمەتتىك جەلىلەردە جاريالانعان. كەيىن بەينەجازبانى بالانىڭ اناسى تۇسىرگەنى انىقتالدى. ول بالانى تاربيەلەۋ جانە ونىڭ قاۋىپسىزدىگىن قامتاماسىز ەتۋ جونىندەگى مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلعان.
