وسكەمەن قالاسىندا جازعى دەمالىس كەزىندە جۇمىسقا ورنالاسقان 17 جاستاعى ءجاسوسپىرىم وندىرىستىك جاراقات سالدارىنان قولىنان ايىرىلدى، دەپ حابارلايدى "ادىرنا" ۇلتتىق پورتالى ينفورمبيۋروعا سىلتەپ.
شىعىس قازاقستان وبلىسى بويىنشا مەملەكەتتىك ەڭبەك ينسپەكتسياسى كوميتەتى دەپارتامەنتىنىڭ الدىن الا مالىمەتىنشە، ءجاسوسپىرىم قۇرىلىس ماتەريالدارىن شىعاراتىن كاسىپورىندا جۇمىس ىستەگەن. الايدا ونىمەن ەڭبەك شارتى جاسالماعان جانە ەڭبەك قاۋىپسىزدىگى تالاپتارى بويىنشا نۇسقاما جۇرگىزىلمەگەن.
قازىر وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلىپ، تەرگەۋ جۇمىستارى جۇرگىزىلىپ جاتىر.
شىعىس قازاقستان وبلىسى پوليتسيا دەپارتامەنتىنىڭ مالىمەتىنشە، اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 156-بابىنىڭ 2-بولىگى – «ەڭبەكتى قورعاۋ قاعيدالارىن بۇزۋ» بويىنشا سوتقا دەيىنگى تەرگەپ-تەكسەرۋ باستالدى. ۆەدومستۆونىڭ حابارلاۋىنشا، تەرگەۋدىڭ تولىقتىعىن، جان-جاقتىلىعىن جانە وبەكتيۆتىلىگىن قامتاماسىز ەتۋگە باعىتتالعان قاجەتتى تەرگەۋ ارەكەتتەرى جۇرگىزىلۋدە. قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتىلمەيدى.
ء"ۇي ىشىنەن ءۇي تىگۋگە جول بەرىلمەيدى" - دەپۋتات قىزىلجارلىق سەپاراتيستەرگە قاتىستى مالىمدەمە جاسادى
