Qaznette er adamnyŋ qyzyn tuǧan künınde ernınen süiıp qūttyqtaǧany tüsırılgen video ülken rezonans tudyryp, qyzu talqyǧa tüstı. Atalǧan beinejazbaǧa Şyǧys Qazaqstan oblysynyŋ polisiia departamentı pıkır bıldırdı, dep habarlaidy «Adyrna» tılşısı.
«Atalǧan aqparat tırkeldı. Qazırgı uaqytta tekseru jūmystary jürgızılıp jatyr. Tekseru jūmystaryna bılım basqarmasynyŋ jäne jergılıktı atqaruşy organnyŋ qyzmetkerlerı tartyldy», – delıngen habarlamada.
Qazan aiynda Astanada qūrbysyna ūlynyŋ ernınen süiuge rūqsat bergen äiel de jauapqa tartylǧan bolatyn. Būl video da äleumettık jelılerde jariialanǧan. Keiın beinejazbany balanyŋ anasy tüsırgenı anyqtaldy. Ol balany tärbieleu jäne onyŋ qauıpsızdıgın qamtamasyz etu jönındegı mındetterın tiısınşe oryndamaǧany üşın äkımşılık jauapkerşılıkke tartylǧan.
