2026 جىلعى 30 قازاندا استانا قالاسىندا «استانا دارىنى» دارىندى بالالار مەن تالانتتى جاستاردى انىقتاۋ جانە قولداۋ ورتالىعىنىڭ 20 جىلدىق مەرەيتويىنا ارنالعان «دارىندىلىقتى دامىتۋ ەكوجۇيەسى: عىلىم، تاجىريبە، بولاشاق» تاقىرىبىندا حالىقارالىق عىلىمي-پراكتيكالىق كونفەرەنتسيا ءوتتى.
كونفەرەنتسيانىڭ باستى ماقساتى – دارىندى بالالاردى انىقتاۋ، قولداۋ جانە دامىتۋ باعىتىنداعى وتاندىق جانە حالىقارالىق تاجىريبەنى بىرىكتىرىپ، ءبىلىم بەرۋ سالاسىنداعى جاڭا تاسىلدەر مەن ستراتەگيالىق باسىمدىقتاردى ايقىنداۋ.
ءىس-شارا اياسىندا قازاقستان، اۆستراليا، مالايزيا ەلدەرىنىڭ ءبىلىم بەرۋ سالاسىنىڭ ماماندارى مەن عالىمدارى تاجىريبە الماستى. دارىندىلىقتى ەرتە انىقتاۋ، وليمپيادالىق رەزەرۆتى قالىپتاستىرۋ، STEM ءبىلىم بەرۋ، جاساندى ينتەللەكت، روبوتوتەحنيكا جانە وقۋشىلاردىڭ قابىلەتتەرىن دامىتۋ ماسەلەلەرى تالقىلاندى.
كونفەرەنتسيا جۇمىسى ءتورت تاقىرىپتىق سەكتسيادا جالعاسىپ، قاتىسۋشىلار دارىندى بالالاردى قولداۋ جۇيەسىن جەتىلدىرۋگە باعىتتالعان پراكتيكالىق ۇسىنىمدار ازىرلەدى.
مەرەيتويلىق ءىس-شارا بارىسىندا ورتالىقتىڭ 20 جىلدىق دامۋ جولى تانىستىرىلىپ، ءار جىلدارى باسشىلىق ەتكەن ارداگەرلەر مەن قىزمەتكەرلەرگە قۇرمەت كورسەتىلدى. سونداي-اق ءبىلىم بەرۋ، زياتكەرلىك جوبالار جانە يننوۆاتسيالار سالاسىنداعى 16 سەرىكتەس ۇيىم ماراپاتتالدى.
حالىقارالىق كونفەرەنتسيا دارىندى بالالاردى قولداۋدىڭ زاماناۋي مۇمكىندىكتەرىن تالقىلاپ، عىلىم، ءبىلىم جانە يننوۆاتسيا سالاسىنداعى ىنتىماقتاستىقتى نىعايتۋعا باعىتتالعان ماڭىزدى كاسىبي الاڭ بولدى.
