استانا تۇرعىندارى الەۋمەتتىك جەلىلەردە وزىن وقۋ-اعارتۋ مينيسترلىگىنىڭ قىزمەتكەرى رەتىندە تانىستىرعان بەلگىسىز ادامداردىڭ ۇيلەردى ارالاپ، جەكە دەرەكتەر جيناعان ۆيدەولارىن جاريالاپ جاتىر، دەپ حابارلايدى "ادىرنا" ۇلتتىق پورتالى tengrinews.kz-كە سىلتەپ.
Instagram قولدانۋشىسىنىڭ سوزىنشە، ەكى ايەل ونىڭ ۇيىنە كەلىپ، وقۋشىلاردىڭ بار-جوعىن سۇراپ، جەكە مالىمەتتەردى جازىپ العان.
وقۋ-اعارتۋ مينيسترلىگى بۇل ارەكەتتەرگە قاتىسى جوق ەكەنىن مالىمدەدى.
ء«وزىن مينيسترلىك اتىنان كەلدىك دەپ تانىستىرىپ، قۇجاتتار نەمەسە دەرەكتەر سۇراعان ادامدار الاياق بولۋى مۇمكىن. زاڭسىز ارەكەتتەر ءۇشىن مينيسترلىك جاۋاپتى ەمەس»، – دەلىنگەن حابارلامادا.
مينيسترلىك ازاماتتارعا ساق بولۋدى، وسىنداي جاعدايلاردى بايقاسا دەر كەزىندە قۇقىق قورعاۋ ورگاندارىنا حابارلاسۋدى ۇسىنادى.
ۇقساس جاڭالىقتار
