2026 jylǧy 30 qazanda Astana qalasynda «Astana daryny» daryndy balalar men talantty jastardy anyqtau jäne qoldau ortalyǧynyŋ 20 jyldyq mereitoiyna arnalǧan «Daryndylyqty damytu ekojüiesı: ǧylym, täjıribe, bolaşaq» taqyrybynda halyqaralyq ǧylymi-praktikalyq konferensiia öttı.
Konferensiianyŋ basty maqsaty – daryndy balalardy anyqtau, qoldau jäne damytu baǧytyndaǧy otandyq jäne halyqaralyq täjıribenı bırıktırıp, bılım beru salasyndaǧy jaŋa täsılder men strategiialyq basymdyqtardy aiqyndau.
Is-şara aiasynda Qazaqstan, Avstraliia, Malaiziia elderınıŋ bılım beru salasynyŋ mamandary men ǧalymdary täjıribe almasty. Daryndylyqty erte anyqtau, olimpiadalyq rezervtı qalyptastyru, STEM bılım beru, jasandy intellekt, robototehnika jäne oquşylardyŋ qabıletterın damytu mäselelerı talqylandy.
Konferensiia jūmysy tört taqyryptyq seksiiada jalǧasyp, qatysuşylar daryndy balalardy qoldau jüiesın jetıldıruge baǧyttalǧan praktikalyq ūsynymdar äzırledı.
Mereitoilyq ıs-şara barysynda ortalyqtyŋ 20 jyldyq damu joly tanystyrylyp, är jyldary basşylyq etken ardagerler men qyzmetkerlerge qūrmet körsetıldı. Sondai-aq bılım beru, ziiatkerlık jobalar jäne innovasiialar salasyndaǧy 16 serıktes ūiym marapattaldy.
Halyqaralyq konferensiia daryndy balalardy qoldaudyŋ zamanaui mümkındıkterın talqylap, ǧylym, bılım jäne innovasiia salasyndaǧy yntymaqtastyqty nyǧaituǧa baǧyttalǧan maŋyzdy käsıbi alaŋ boldy.
