Qazaq Air اۋە كومپانياسىنىڭ قىزىلوردا – استانا باعىتىنداعى رەي̆سى كەزىندە ءبىر جولاۋشى ەسىنەن تانىپ، جۇرەگى مەن تىنىسى توقتاپ قالعان. ونى بولاشاق دارىگەر امان قالدى، دەپ حابارلايدى “ادىرنا” ۇلتتىق پورتالى.
بۇل وقيعا الەۋمەتتىك جەلىلەر ارقىلى تارالدى . بەلگىلى بولعانداي، جاس جىگىت — قىزىلوردالىق دىنمۇحاممەد بەكتۇرعان، استانا مەديتسينالىق ۋنيۆەرسيتەتىنىڭ ينتەرنى.
ول ۇشاقتا شۇعىل كومەك كورسەتىپ، جۇرەك-وكپە رەانيماتسياسىن جاساپ، جولاۋشىنىڭ ءومىرىن قونعانعا دەي̆ىن قۇتقارىپ قالعان.
"ستيۋاردەسسا ميكروفون ارقىلى جولاۋشىلار اراسىندا دارىگەر بار ما دەپ سۇرادى. سودان كەيىن ءبىر جولاۋشىنىڭ جاعدايى ناشارلاعانىن كورىپ، وعان باردىم، ارتەريالدى قىسىمىن تەكسەردىم. سوسىن جۇرەككە ماسساج جاسادىم. جۇرەك-وكپە رەانيماتسياسىن جۇرگىزىپ، ۇشاق جەرگە قونعانشا مەديتسينالىق كومەك كورسەتە بەردىم", — دەپ جازدى دىنمۇحاممەد بەكتۇرعان Instagram پاراقشاسىندا.
