ۋكرايناعا قارسى سوعىستا قازا تاپقان رەسەي اسكەري قىزمەتشىلەرىنىڭ سانى 500 مىڭنان اسۋى ىقتيمال، دەپ حابارلايدى “ادىرنا” BBC-گە سىلتەپ.
باسىلىم مالىمەتىنشە، 2026 جىلدىڭ 30 قازانداعى دەرەككە سايكەس، اشىق دەرەككوزدەر ارقىلى قازا تاپقان 285 023 رەسەيلىك اسكەري قىزمەتشىنىڭ اتى-ءجونى انىقتالعان.
الايدا اسكەري ساراپشىلاردىڭ باعالاۋىنشا، بۇل ناقتى شىعىننىڭ 45–55 پايىزىن عانا قۇرايدى. وسىعان بايلانىستى رەسەي اسكەرىنىڭ قازا تاپقان قىزمەتشىلەردىڭ جالپى سانى 518 224-تەن 663 384 ادامعا دەيىن جەتۋى مۇمكىن.
ەگەر بۇل ەسەپكە ءوزىن-ءوزى جاريالاعان «دحر» مەن «لحر» قارۋلى قۇرىلىمدارىنىڭ 21–23,5 مىڭ قازا تاپقان جاۋىنگەرى جانە قازا بولعانى انىقتالعان 2 304 سولتۇستىككورەيالىق اسكەري قىزمەتشى قوسىلسا، رەسەي جاعىندا سوعىسقان كۇشتەردىڭ جالپى شىعىنى 541 528–689 188 ادام ارالىعىندا بولۋى ىقتيمال.
زەرتتەۋشىلەردىڭ مالىمەتىنشە، ناقتى ساندى انىقتاۋ قيىن. سەبەبى رەسەيلىك اسكەري قىزمەتشىلەردىڭ قازا تاپقانى تۋرالى اقپاراتتىڭ بارلىعى بىردەي اشىق جاريالانبايدى.
