ەلدەگى ەڭ تومەنگى جالاقىنىڭ جاڭا مولشەرى جاريالاندى

پرەزيدەنت قاسىم-جومارت توقاەۆ ەڭ تومەنگى جالاقى مولشەرىن 85 مىڭ تەڭگەدەن 110 مىڭ تەڭگەگە دەيىن كوتەرۋدى تاپسىردى، دەپ حابارلايدى «ادىرنا» ءتىلشىسى.

ايتۋىنشا، جاڭا مولشەر 2027 جىلعى 1 قاڭتاردان باستاپ ەنگىزىلۋگە ءتيىس.

«بۇل 1,8 ميلليون ادامنىڭ، سونىڭ ىشىندە بيۋدجەتتەن جالاقى الاتىن 370 مىڭنان استام قىزمەتكەردىڭ تابىسىن ارتتىرۋعا ىقپال ەتەدى»،– دەدى پرەزيدەنت.

سونىمەن قاتار مەملەكەت باسشىسى العاشقى مەديتسينالىق-سانيتارلىق كومەك جۇيەسىن جاڭعىرتۋ قاجەتتىگىن اتاپ ءوتتى.

ء«بىز العاشقى مەديتسينالىق-سانيتارلىق كومەك جۇيەسىن جاڭعىرتۋ ىسىنە ەرەكشە ءمان بەرەمىز. وسى تۇرعىدان العاندا، جالپى پراكتيكا دارىگەرلەرىنىڭ وكىلەتتىگىن كەڭەيتىپ، بۇل جۇيەنى قارجىلاندىرۋ كولەمىن كەزەڭ-كەزەڭىمەن ۇلعايتۋ ماڭىزدى. ۇكىمەتكە كەلەر جىلدىڭ 1 قاڭتارىنان باستاپ وسى باعىتتا جۇمىس ىستەيتىن ۋچاسكەلىك قىزمەت ماماندارىنىڭ جالاقىسىن ۇزدىكسىز ەڭبەك وتىلىنە قاراي 40 پايىزعا دەيىن ارتتىرۋدى تاپسىرامىن. بۇل 77 مىڭنان استام ماماننىڭ تابىسىن وسىرۋگە مۇمكىندىك بەرەدى»،– دەپ تۇيىندەدى ول.