مەملەكەت باسشىسى قاسىم-جومارت توقاەۆ رەسپۋبليكا كۇنىنە وراي قۇتتىقتاۋ جولداعان شەتەلدىك كوشباسشىلارعا العىس ايتتى. بۇل تۋرالى ول X الەۋمەتتىك جەلىسىندەگى پاراقشاسىندا جازدى، دەپ حابارلايدى «ادىرنا» ءتىلشىسى.
«رەسپۋبليكا كۇنىنە وراي جولداعان رياسىز قۇتتىقتاۋلارى مەن جىلى لەبىزدەرى ءۇشىن بارلىق مەملەكەتتەر جانە ۇكىمەتتەر باسشىلارىنا، سونداي-اق ءىرى حالىقارالىق ۇيىمداردىڭ جەتەكشىلەرىنە العىس ايتامىن. ەگەمەن ەلىمىزگە ارناعان ىزگى تىلەكتەرىڭىزدى حالقىمىز ريزاشىلىقپەن قابىلدادى»،– دەپ جازدى پرەزيدەنت.
بۇعان دەيىن قاسىم-جومارت توقاەۆتى اقش پرەزيدەنتى دونالد ترامپ، رەسەي پرەزيدەنتى ۆلاديمير پۋتين، قىتاي حالىق رەسپۋبليكاسىنىڭ توراعاسى سي تسزينپين، فرانتسيا پرەزيدەنتى ەممانيۋەل ماكرون جانە ۇلىبريتانيا كورولى ءىىى كارل قۇتتىقتاعانى حابارلانعان ەدى.
ۇقساس جاڭالىقتار
