الماتىدا قاسىم-جومارت توقاەۆتىڭ جاقتاستارى بەلگىلى اقىن، قوعام قايراتكەرى مۇحتار شاحانوۆپەن كەزدەستى، دەپ جازادى "ادىرنا" ۇلتتىق پورتالى.
Orda.kz حابارلاۋىنشا، اقىنمەن كەزدەسكەن توقاەۆتىڭ جاقتاستارى پرەزيدەنتتىڭ سايلاۋالدى باعدارلاماسى تۋرالى ءسوز قوزعادى.
– ەلدە ۇلكەن ساياسي ناۋقان، بۇل تاريحي ءسات. ءاربىر قازاق ازاماتى اتسالىسۋى كەرەك. قاسىم-جومارت توقاەۆتىڭ ساياساتىن قولدايمىز. پرەزيدەنتتىڭ سايلاۋالدى باعدارلاماسى حالىقتىڭ كوكەيىندە جۇرگەن بارلىق ماسەلەنى قامتيدى، – دەدى سابىرجان زاينيدينوۆ.
توقاەۆتىڭ جاقتاستارىن تىڭداعان اقىن باتا بەرىپ، توقاەۆتى تولىق قولدايتىنىن ايتتى.
– قاسىم-جومارت توقاەۆتىڭ ساياساتىن تولىق قولدايمىن. سەبەبى، وعان تەڭدەس ادام جوق. وتە شىنشىل ادام. ەلدىك، ۇلتتىق مۇددەگە تەرەڭ تامىر جىبەرگەن ادام. توقاەۆ دەگەندە ىشكەن اسىمدى جەرگە قويامىن. شىندىق بيىگىنەن، رۋحاني ادىلدىك بيىگىنەن بوي كورسەتە بەرىڭدەر! سول بيىكتە باس قوسا بەرەيىك، – دەدى شاحانوۆ.
"ادىرنا" ۇلتتىق پورتالى
