پرەمەر-مينيستر ولجاس بەكتەنوۆتىڭ قاتىسۋىمەن استانادا جاھاندىق ينۆەستيتسيالار-2025 (KGIR-2025) بويىنشا جىل سايىنعى قازاقستاندىق دوڭگەلەك ۇستەل ءوتتى.
فورۋمنىڭ «ترانسفورماتسيا داۋىرىندەگى جاڭا شەشىمدەر: قازاقستان ورنىقتى ەكونوميكالىق دامۋ ورتالىعى رەتىندە» تاقىرىبىنىڭ اياسىندا بولدى. 
55 مەملەكەتتەن 1000-نان ارتىق قاتىسۋشىنى جيناعان ءىس-شارا, ينۆەستيتسيا تارتۋ سالاسىنداعى نەگىزگى باعىتتاردى – ينفراقۇرىلىم، ونەركاسىپ، ەنەرگەتيكا، جوعارى تەحنولوگيالار جانە جاسىل ەكونوميكا سالالارىن تالقىلاۋعا ارنالعان الاڭعا اينالدى.
اتالعان ءىس-شارا اياسىندا ۇلىتاۋ وبلىسىنىڭ اكىمى د. رىسپەكوۆ وبلىس ەكونوميكاسىنا ينۆەستيتسيا سالۋعا دايىن ينۆەستورلارمەن بىرقاتار كەزدەسۋلەر وتكىزدى. كەزدەسۋ بارىسىندا وبلىس اكىمى قاتىسۋشىلارعا ءوڭىردىڭ ينۆەستيتسيالىق احۋالى تۋرالى اقپاراتتى تانىستىردى.
KGIR-2025 الاڭدارىندا وبلىس اكىمدىگى جالپى سوماسى 150 ملن اقش دوللارىنان اساتىن Harvest Agro Holding (شۆەيتساريا), Chengdu Sepmem Energy (قحر), BKN Techbuild (قحر) جانە Sairen Group (قحر) كومپانيالارىمەن ىنتىماقتاستىق تۋرالى مەموراندۋمدار جاساستى. مەموراندۋمدار اۋىل شارۋاشىلىعىن، قۇرىلىس پەن ەنەرگەتيكانى دامىتۋعا باعىتتالعان.
اتالعان ينۆەستيتسيالىق جوبالاردى ىسكە اسىرۋ جاڭا پەرسپەكتيۆالى سالالاردى ىسكە قوسۋعا جانە سول ارقىلى ءوڭىر ەكونوميكاسىن ءارتاراپتاندىرۋدى قامتاماسىز ەتۋگە مۇمكىندىك بەرەدى.
