استانادا ءۇش بالانىڭ ءومىرىن قيعان ءورت بالالاردىڭ ويىنى سالدارىنان شىققانى بەلگىلى بولدى، دەپ حابارلايدى "ادىرنا" ءتىلشىسى.
بۇل تۋرالى توتەنشە جاعدايلار مينيسترلىگىنىڭ ورتكە قارسى قىزمەت كوميتەتى توراعاسىنىڭ ورىنباسارى رۋسلان قايراقباەۆ حابارلادى.
ونىڭ ايتۋىنشا، جالىن پاتەردىڭ ىشىنەن تۇتانعان. قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى ءىس قىلمىستىق-پروتسەستىك كودەكستىڭ 35-بابى 1-بولىگىنىڭ 2-تارماعى نەگىزىندە توقتاتىلعان.
قايعىلى وقيعا 12 ساۋىرگە قاراعان ءتۇنى استاناداعى تۇركىستان كوشەسىندە ورنالاسقان 21 قاباتتى تۇرعىن ءۇيدىڭ 15-قاباتىندا بولعان. ءورت سوندىرۋشىلەر وقيعا ورنىنا جەتكەنىمەن، اۋلاعا كىرەتىن جولدىڭ جابىق بولۋى جانە كولىكتەردىڭ كوپتىگى تەحنيكانىڭ قوزعالىسىن قيىنداتقان.
ءورت ءسوندىرۋ كەزىندە پاتەردەن كۇيىك العان ايەل شىعارىلىپ، اۋرۋحاناعا جەتكىزىلگەن. وقيعا ورنىندا ەكى مەن 13 جاس ارالىعىنداعى ءۇش قىزدىڭ ءمايىتى تابىلعان.
قۇتقارۋشىلار جوعارى قاباتتاردان 20 ادامدى ەۆاكۋاتسيالاپ، 40-قا جۋىق تۇرعىن عيماراتتان وزدىگىنەن شىققان.
