قازاقستاندا قاماۋدا وتىرعان وزبەكستاندىق پروفەسسور يقبولجون قورابوەۆتىڭ ءىسى اسا جوعارى دەڭگەيدەگى قۇپيا جاعدايدا قارالىپ جاتىر. بۇل تۋرالى BBC جازدى، دەپ حابارلايدى «ادىرنا» ءتىلشىسى.
46 جاستاعى عالىم قازاقستان رەسپۋبليكاسى قىلمىستىق كودەكسىنىڭ 176-بابى – تىڭشىلىق بويىنشا ايىپتالىپ، 3 شىلدە كۇنى استانا قالاسىنداعى ۇيىنەن ۇستالىپ اكەتىلگەن بولاتىن. ونىڭ ناقتى قاي مەملەكەتتىڭ مۇددەسى ءۇشىن تىڭشىلىق جاسادى دەپ ايىپتالىپ وتىرعانى بەلگىسىز. الايدا جۇبايىنىڭ ايتۋىنشا، قاماۋعا الۋ كەزىندە قازاقستاندىق قاۋىپسىزدىك قىزمەتىنىڭ ءبىر قىزمەتكەرى قورابوەۆتىڭ وزبەكستاننىڭ پايداسىنا تىڭشىلىق جاسادى دەگەن كۇدىككە ىلىنگەنىن ايتقان.
پروفەسسوردىڭ جاقىندارىنىڭ حابارلاۋىنشا، قورابوەۆقا قاتىستى العاشقى سوت وتىرىسى قىركۇيەك ايىنىڭ العاشقى جارتىسىندا وتكەن. ال ەكىنشى سوت وتىرىسى 7 قازاندا وتەدى دەپ كۇتىلۋدە.
الايدا جابىق فورماتتاعى سوت پروتسەسىنە قورابوەۆتىڭ وتباسى مەن جاقىندارى شاقىرىلماعان. سونداي-اق سوتقا كىمدەردىڭ قاتىسقانى، قانداي كۋالار مەن ساراپشىلاردىڭ ءسوز سويلەگەنى دە بەلگىسىز بولىپ وتىر.
بۇعان دەيىن قازاقستاننىڭ وزبەكستان تاراپىنا يكبولجون كارابوەۆقا قاتىستى ءىس جونىندە ديپلوماتيالىق ارنالار ارقىلى رەسمي تۇردە حابارلاعانى ايتىلعان ەدى.
