Qazaqstanda qamauda otyrǧan özbekstandyq professor İqboljon Qoraboevtyŋ ısı asa joǧary deŋgeidegı qūpiia jaǧdaida qaralyp jatyr. Būl turaly BBC jazdy, dep habarlaidy «Adyrna» tılşısı.
46 jastaǧy ǧalym Qazaqstan Respublikasy Qylmystyq kodeksınıŋ 176-baby – tyŋşylyq boiynşa aiyptalyp, 3 şılde künı Astana qalasyndaǧy üiınen ūstalyp äketılgen bolatyn. Onyŋ naqty qai memlekettıŋ müddesı üşın tyŋşylyq jasady dep aiyptalyp otyrǧany belgısız. Alaida jūbaiynyŋ aituynşa, qamauǧa alu kezınde qazaqstandyq qauıpsızdık qyzmetınıŋ bır qyzmetkerı Qoraboevtyŋ Özbekstannyŋ paidasyna tyŋşylyq jasady degen küdıkke ılıngenın aitqan.
Professordyŋ jaqyndarynyŋ habarlauynşa, Qoraboevqa qatysty alǧaşqy sot otyrysy qyrküiek aiynyŋ alǧaşqy jartysynda ötken. Al ekınşı sot otyrysy 7 qazanda ötedı dep kütılude.
Alaida jabyq formattaǧy sot prosesıne Qoraboevtyŋ otbasy men jaqyndary şaqyrylmaǧan. Sondai-aq sotqa kımderdıŋ qatysqany, qandai kuälar men sarapşylardyŋ söz söilegenı de belgısız bolyp otyr.
Būǧan deiın Qazaqstannyŋ Özbekstan tarapyna İkboljon Karaboevqa qatysty ıs jönınde diplomatiialyq arnalar arqyly resmi türde habarlaǧany aitylǧan edı.
