15 قازاندا الماتىدا وتەتىن BE WOMAN ASIA 2026 فورۋمى 25 ەلدىڭ عىلىم، كاسىپ، تەحنولوگيا جانە مادەنيەت سالالارىنداعى كوشباسشىلارىنىڭ باسىن قوسىپ، جاساندى ينتەللەكت داۋىرىندەگى بولاشاق پەن دامۋ باعىتتارىن تالقىلايدى.
العاشقى گرافيكالىق ينتەرنەت براۋزەرلەرىن جاساۋشىلاردىڭ ءبىرىن، Facebook Live نەگىزىن قالاۋشىسىن، «وسكار» سىيلىعىنىڭ ەكى دۇركىن يەگەرىن جانە عارىشقا ۇشقان تۇڭعىش قازاقستاندىق ايەلدى ورتاق ءبىر يدەيا مەن جاھاندىق ديالوگ الاڭى توعىستىرادى.
بيىلعى فورۋم تاقىرىبى – «ەتيكا كۇشى». تەحنولوگيا العا قارىشتاپ، جاساندى ينتەللەكت ومىرىمىزدەگى ماڭىزدى شەشىمدەردى قابىلداۋعا تىكەلەي ىقپال ەتە باستادى. وسى ورايدا باستى سۇراق تۋىندايدى: قابىلدانعان شەشىم مەن ونىڭ سالدارى ءۇشىن جاۋاپكەرشىلىك كىمگە جۇكتەلەدى؟
بۇل سۇراققا تەوريا جۇزىندە عانا وي تولعايتىندار ەمەس، تەحنولوگيالاردى ءوز قولىمەن جاساعان، حالىقارالىق كومپانيالاردىڭ نەگىزىن قالاعان، جاڭا يندۋستريالار قالىپتاستىرىپ، قوعام نورمالارى مەن جۇيەلى وزگەرىستەرگە ىقپال ەتكەن تاجىريبەلى حالىقارالىق ساراپشىلار پىكىر بىلدىرەدى.
BE WOMAN ASIA 2026 فورۋمىنىڭ حالىقارالىق سپيكەرلەرى:
رەندي تسۋكەربەرگ – Facebook Live جوباسىن جاساۋشىلاردىڭ ءبىرى ءارى Zuckerberg Media كومپانياسىنىڭ نەگىزىن قالاۋشى;
پين فۋ – Mosaic براۋزەرىن ازىرلەۋگە قاتىسقان كاسىپكەر ءارى تەحنولوگيا سالاسىنىڭ كوشباسشىسى;
شارمين وبەيد-چينوي – رەجيسسەر، «وسكار» سىيلىعىنىڭ ەكى دۇركىن يەگەرى;
دجو مەلوۋن CBE – بريتاندىق پارفيۋمەر، Jo Loves برەندىنىڭ نەگىزىن قالاۋشى;
تيتي اكينسانمي – جاساندى ينتەللەكت سالاسىنداعى ساياسات پەن رەتتەۋ ماسەلەلەرى بويىنشا حالىقارالىق ساراپشى;
ايۋمي مۋر اوكي – Women in Tech Global ۇيىمىنىڭ نەگىزىن قالاۋشى;
كيارا كوراتستسا – G20 EMPOWER باستاماسىنىڭ فرانتسيا وكىلى.
ولاردىڭ تاجىريبەسى – زاماناۋي ينتەرنەتتىڭ پايدا بولۋىنان باستاپ جاساندى ينتەللەكت داۋىرىنە دەيىنگى بىرنەشە ونجىلدىقتى قامتيتىن الەمدەگى وزگەرىستەر تاريحىمەن تىعىز بايلانىستى.
BE WOMAN ASIA فورۋمىندا ورتا ازيانىڭ بولاشاعىن ناقتى جوبالارى، يننوۆاتسيا شەشىمدەرى مەن جەتىستىكتەرى ارقىلى قالىپتاستىرىپ وتىرعان ءوڭىر كوشباسشىلارى تانىستىرماق:
داننا كاراگۋسوۆا – عارىشقا ۇشقان تۇڭعىش قازاقستاندىق ايەل.
ديليارا قايداروۆا – قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، ونكولوگيا سالاسىنىڭ ساراپشىسى.
ءلاززات قالتاەۆا – مۇگەدەكتىگى بار ادام قۇقىقتارىن قورعاۋ ماسەلەلەرىن حالىقارالىق دەڭگەيدە كوتەرىپ جۇرگەن قوعام قايراتكەرى.
ابزال يسابەكوۆ – Ferragamo ءسان ءۇيىنىڭ اعا ديزاينەرى.
اسەل امانگەلدى – گارۆارد ۋنيۆەرسيتەتى تۇلەگى، ءبىلىم بەرۋ سالاسىنداعى EdTech پلاتفورماسىنىڭ نەگىزىن قالاۋشى.
سپيكەرلەر قاتارىندا وزبەكستاننان شوحيدا يبراگيموۆا، تاجىكستاننان نافيسا يمرانوۆا جانە قىرعىزستاننان ەركە جۇماقماتوۆا بار.
BE WOMAN ASIA فورۋمى بۇعان دەيىن ءارتۇرلى پلاتفورمالاردا جەكە تالقىلانىپ كەلگەن تەحنولوگيا، كاسىپ، ادام قۇقىقتارى، مادەنيەت، ءبىلىم جانە الەۋمەتتىك وزگەرىستەر ماسەلەلەرىن ءبىرتۇتاس ديالوگقا توعىستىرادى. بۇل سالالار بۇگىندە ءبىر-بىرىمەن تىعىز استاسىپ جاتىر، سوندىقتان ولاردىڭ بىرىندە قابىلدانعان شەشىم قالعاندارىنا دا تىكەلەي ىقپال ەتەدى.
«BE WOMAN ASIA – ورتا ازيا جاھاندىق پروتسەستەردىڭ باقىلاۋشىسى عانا ەمەس، ونىڭ بەلسەندى قاتىسۋشىسى ەكەنىن دالەلدەيتىن الاڭ. كۇش جاساندى ينتەللەكت داۋىرىندە ىقپالمەن ەمەس، جاۋاپكەرشىلىكپەن ولشەنەدى. ءبىزدىڭ فورۋم ءدال وسى تۋرالى»، – دەيدى BE WOMAN ASIA نەگىزىن قالاۋشى جاننا كان.
15 قازاندا BE WOMAN ASIA 2026 فورۋمىنىڭ نەگىزگى باعدارلاماسى رەسپۋبليكا سارايىندا وتەدى. ۇيىمداستىرۋشىلاردىڭ مالىمەتىنشە، وفلاين فورماتتا 3 000-نان استام قاتىسۋشى باس قوسادى. 16 قازاندا باعدارلاما ۋوركشوپ، مەنتورلارمەن كەزدەسۋ جانە دوڭگەلەك ۇستەل فورماتىندا جالعاسادى.
فورۋمنىڭ نەگىزگى باعىتتارى – جاساندى ينتەللەكت، كوشباسشىلىق، ءبىلىم بەرۋ، دەنساۋلىق، كاسىپكەرلىك، مادەنيەت جانە ينكليۋزيا. فورۋمعا 25 ەلدەن كەلگەن حالىقارالىق ساراپشىلار قاتىسادى.
BE WOMAN ASIA – كاسىپ، مەملەكەتتىك باسقارۋ، عىلىم، مادەنيەت جانە قوعام باستامالارى سالالارىنداعى كوشباسشىلاردى بىرىكتىرەتىن حالىقارالىق پلاتفورما.
2024 جىلى ىسكە قوسىلعاننان بەرى BE WOMAN ASIA جوبالارى ونلاين جانە وفلاين فورماتتاردا 15 000-عا جۋىق قاتىسۋشىنىڭ، 230-دان استام حالىقارالىق سپيكەر مەن مەنتوردىڭ، سونداي-اق بيزنەس قاۋىمداستىعىنىڭ 320 كوشباسشىسىنىڭ باسىن قوستى.
ءار جىلدارى فورۋمعا UNESCO, UNICEF, UN Women, دۇنيەجۇزى بانكى، ەقىۇ، Harvard جانە Duke University سەكىلدى حالىقارالىق ۇيىمدار مەن اكادەميالىق قاۋىمداستىقتار وكىلدەرى قاتىستى.
2025 جىلى CNN International BE WOMAN ASIA فورۋمىنىڭ جاھاندىق مەدياسەرىكتەسى بولدى. ال فورۋمنىڭ اقپاراتتىق ناۋقانى اياسىندا 850 ميلليوننان استام تسيفرلىق كورسەتىلىم تىركەلدى.
BE WOMAN ASIA ءىس-شارالارى قازاقستان، وزبەكستان، قىرعىزستان جانە تاجىكستاندا ءوتتى. پلاتفورمانىڭ باستى فورۋمى جىل سايىن الماتى قالاسىندا ۇيىمداستىرىلادى.
بيىل BE WOMAN ASIA ءتورت الەۋمەتتىك باستامانى قاتار دامىتىپ كەلەدى:
- AMAN BOL – Women in Tech Kazakhstan ۇيىمىمەن بىرلەسىپ جۇزەگە اسىرىلاتىن ايەلدەردىڭ تسيفرلىق قاۋىپسىزدىگىن قامتاماسىز ەتۋگە باعىتتالعان جوبا.
- BE WOMAN × HR Capital – ايەل كاسىپكەرلەردى قولداۋعا ارنالعان ءبىلىم بەرۋ گرانتتارى. باعدارلامانىڭ العاشقى لەگىنە 18 قاتىسۋشى قوسىلدى.
- Hidden Shero – قوعام دامۋىنا ۇلەس قوسقان ايەلدەر تاريحىن جيناۋعا ارنالعان حالىقارالىق جوبا.
- Female Founders – ستارتاپ نەگىزىن قالاۋشى ايەلدەرگە ارنالعان قولداۋ باعدارلاماسى. ونىڭ اياسىندا 20 جوبا ينۆەستورلار الدىندا وتەتىن پيتچ-سەسسياعا قاتىسادى.
