15 qazanda Almatyda ötetın BE WOMAN ASIA 2026 forumy 25 eldıŋ ǧylym, käsıp, tehnologiia jäne mädeniet salalaryndaǧy köşbasşylarynyŋ basyn qosyp, jasandy intellekt däuırındegı bolaşaq pen damu baǧyttaryn talqylaidy.
Alǧaşqy grafikalyq internet brauzerlerın jasauşylardyŋ bırın, Facebook Live negızın qalauşysyn, «Oskar» syilyǧynyŋ ekı dürkın iegerın jäne ǧaryşqa ūşqan tūŋǧyş qazaqstandyq äieldı ortaq bır ideia men jahandyq dialog alaŋy toǧystyrady.
Biylǧy forum taqyryby – «Etika küşı». Tehnologiia alǧa qaryştap, jasandy intellekt ömırımızdegı maŋyzdy şeşımderdı qabyldauǧa tıkelei yqpal ete bastady. Osy oraida basty sūraq tuyndaidy: qabyldanǧan şeşım men onyŋ saldary üşın jauapkerşılık kımge jükteledı?
Būl sūraqqa teoriia jüzınde ǧana oi tolǧaityndar emes, tehnologiialardy öz qolymen jasaǧan, halyqaralyq kompaniialardyŋ negızın qalaǧan, jaŋa industriialar qalyptastyryp, qoǧam normalary men jüielı özgerısterge yqpal etken täjıribelı halyqaralyq sarapşylar pıkır bıldıredı.
BE WOMAN ASIA 2026 forumynyŋ halyqaralyq spikerlerı:
Rendi Sukerberg – Facebook Live jobasyn jasauşylardyŋ bırı ärı Zuckerberg Media kompaniiasynyŋ negızın qalauşy;
Pin Fu – Mosaic brauzerın äzırleuge qatysqan käsıpker ärı tehnologiia salasynyŋ köşbasşysy;
Şarmin Obeid-Chinoi – rejisser, «Oskar» syilyǧynyŋ ekı dürkın iegerı;
Djo Meloun CBE – britandyq parfiumer, Jo Loves brendınıŋ negızın qalauşy;
Titi Akinsanmi – jasandy intellekt salasyndaǧy saiasat pen retteu mäselelerı boiynşa halyqaralyq sarapşy;
Aiumi Mur Aoki – Women in Tech Global ūiymynyŋ negızın qalauşy;
Kiara Korassa – G20 EMPOWER bastamasynyŋ Fransiia ökılı.
Olardyŋ täjıribesı – zamanaui internettıŋ paida boluynan bastap jasandy intellekt däuırıne deiıngı bırneşe onjyldyqty qamtityn älemdegı özgerıster tarihymen tyǧyz bailanysty.
BE WOMAN ASIA forumynda Orta Aziianyŋ bolaşaǧyn naqty jobalary, innovasiia şeşımderı men jetıstıkterı arqyly qalyptastyryp otyrǧan öŋır köşbasşylary tanystyrmaq:
Danna Karagusova – ǧaryşqa ūşqan tūŋǧyş qazaqstandyq äiel.
Diliara Qaidarova – Qazaqstan Respublikasy Ūlttyq ǧylym akademiiasynyŋ akademigı, onkologiia salasynyŋ sarapşysy.
Läzzat Qaltaeva – mügedektıgı bar adam qūqyqtaryn qorǧau mäselelerın halyqaralyq deŋgeide köterıp jürgen qoǧam qairatkerı.
Abzal İsabekov – Ferragamo sän üiınıŋ aǧa dizainerı.
Äsel Amangeldı – Garvard universitetı tülegı, bılım beru salasyndaǧy EdTech platformasynyŋ negızın qalauşy.
Spikerler qatarynda Özbekstannan Şohida İbragimova, Täjıkstannan Nafisa İmranova jäne Qyrǧyzstannan Erke Jūmaqmatova bar.
BE WOMAN ASIA forumy būǧan deiın ärtürlı platformalarda jeke talqylanyp kelgen tehnologiia, käsıp, adam qūqyqtary, mädeniet, bılım jäne äleumettık özgerıster mäselelerın bırtūtas dialogqa toǧystyrady. Būl salalar bügınde bır-bırımen tyǧyz astasyp jatyr, sondyqtan olardyŋ bırınde qabyldanǧan şeşım qalǧandaryna da tıkelei yqpal etedı.
«BE WOMAN ASIA – Orta Aziia jahandyq prosesterdıŋ baqylauşysy ǧana emes, onyŋ belsendı qatysuşysy ekenın däleldeitın alaŋ. Küş jasandy intellekt däuırınde yqpalmen emes, jauapkerşılıkpen ölşenedı. Bızdıŋ forum däl osy turaly», – deidı BE WOMAN ASIA negızın qalauşy Janna Kan.
15 qazanda BE WOMAN ASIA 2026 forumynyŋ negızgı baǧdarlamasy Respublika saraiynda ötedı. Ūiymdastyruşylardyŋ mälımetınşe, oflain formatta 3 000-nan astam qatysuşy bas qosady. 16 qazanda baǧdarlama uorkşop, mentorlarmen kezdesu jäne döŋgelek üstel formatynda jalǧasady.
Forumnyŋ negızgı baǧyttary – jasandy intellekt, köşbasşylyq, bılım beru, densaulyq, käsıpkerlık, mädeniet jäne inkliuziia. Forumǧa 25 elden kelgen halyqaralyq sarapşylar qatysady.
BE WOMAN ASIA – käsıp, memlekettık basqaru, ǧylym, mädeniet jäne qoǧam bastamalary salalaryndaǧy köşbasşylardy bırıktıretın halyqaralyq platforma.
2024 jyly ıske qosylǧannan berı BE WOMAN ASIA jobalary onlain jäne oflain formattarda 15 000-ǧa juyq qatysuşynyŋ, 230-dan astam halyqaralyq spiker men mentordyŋ, sondai-aq biznes qauymdastyǧynyŋ 320 köşbasşysynyŋ basyn qosty.
Är jyldary forumǧa UNESCO, UNICEF, UN Women, Düniejüzı bankı, EQYŪ, Harvard jäne Duke University sekıldı halyqaralyq ūiymdar men akademiialyq qauymdastyqtar ökılderı qatysty.
2025 jyly CNN International BE WOMAN ASIA forumynyŋ jahandyq mediaserıktesı boldy. Al forumnyŋ aqparattyq nauqany aiasynda 850 millionnan astam sifrlyq körsetılım tırkeldı.
BE WOMAN ASIA ıs-şaralary Qazaqstan, Özbekstan, Qyrǧyzstan jäne Täjıkstanda öttı. Platformanyŋ basty forumy jyl saiyn Almaty qalasynda ūiymdastyrylady.
Biyl BE WOMAN ASIA tört äleumettık bastamany qatar damytyp keledı:
- AMAN BOL – Women in Tech Kazakhstan ūiymymen bırlesıp jüzege asyrylatyn äielderdıŋ sifrlyq qauıpsızdıgın qamtamasyz etuge baǧyttalǧan joba.
- BE WOMAN × HR Capital – äiel käsıpkerlerdı qoldauǧa arnalǧan bılım beru granttary. Baǧdarlamanyŋ alǧaşqy legıne 18 qatysuşy qosyldy.
- Hidden Shero – qoǧam damuyna üles qosqan äielder tarihyn jinauǧa arnalǧan halyqaralyq joba.
- Female Founders – startap negızın qalauşy äielderge arnalǧan qoldau baǧdarlamasy. Onyŋ aiasynda 20 joba investorlar aldynda ötetın pitch-sessiiaǧa qatysady.
