الماتى وبلىسىنىڭ قاراساي اۋدانىندا تاڭعى ساعات توعىزدا الماتىلىق پوليتسەي جول اپاتىنان قايتىس بولدى. بۇل تۋرالى جەرگىلىكتى پوليتسيا قىزمەتىنىڭ باستىعى مانات ساتتاروۆ مالىمدەدى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، كولدى-جالپاقساي تاس جولىندا Mazda-626 اۆتوكولىگىنىڭ جۇرگىزۋشىسى ءرۋلدى باسقارا الماي، قارسى جولاققا شىعىپ كەتىپ، پاترۋل ينسپەكتورى، 1999 جىلى تۋعان الماتى پاترۋل پوليتسەيىنىڭ ينسپەكتورى نادير كالىموۆ باسقارعان لادا گرانتامەن سوقتىعىسقان.
ينەرتسيا بويىنشا لادا جولدىڭ شەتىنە ۇشىپ ءتۇسىپ، اعاشقا سوعىلعان.
پوليتسيانىڭ كىشى سەرجانتى قالىموۆ تۇنگى اۋىسىمنان ۇيگە قايتىپ كەلە جاتقان، بىراق وكىنىشتىسى وتباسىنا جەتە المادى: پوليتسەي العان جاراقاتتارىنان وقيعا ورنىندا قايتىس بولدى. ءار ءتۇرلى جاراقاتتار العان Mazda جۇرگىزۋشىسى اۋرۋحاناعا جاتقىزىلدى، - دەدى ساتتاروۆ.
اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 345-بابى، 3-بولىگى بويىنشا الماتى وبلىسى پد قاراساي اۋدانىنىڭ جپ اۋماقتىق قۇرامى بويىنشا تەرگەۋ جۇرگىزۋدە.
الماتى قالالىق پوليتسيا دەپارتامەنتىنىڭ باسشىلىعى، ارداگەرلەر كەڭەسى جانە جەكە قۇرامى نادير قالىموۆتىڭ وتباسى مەن تۋىستارىنا قايعىلارىنا ورتاقتاسىپ، كوڭىل ايتامىز، - دەپ جازدى مانات ساتتاروۆ ءوزىنىڭ Facebook پاراقشاسىندا.
پوليتسيا كىشى سەرجانتى نادير كالىموۆ ىشكى ىستەر ورگاندارىندا 2019 جىلدىڭ قىركۇيەگىنەن باستاپ قىزمەت ەتتى. ونىڭ ارتىندا اناسى مەن جۇكتى ايەلى قالدى.
"ادىرنا" ۇلتتىق پورتالى
