بۇگىن، 19 ءساۋىر تۇندە سولتۇستىك قازاقستان وبلىسىنداعى ورمان القابىندا الاپات ءورت تۇتاندى، دەپ حابارلايدى "ادىرنا".
تجم مالىمەتىنە سۇيەنسەك، ەسىل اۋدانىندا، جاڭالىق اۋىلىنىڭ ماڭىندا اشىق اۋماقتا قۇرعاق ءشوپتىڭ جانۋى ورىن الىپ، كەيىن ءورت ورمان شارۋاشىلىعىنا تارالعان. الدىن الا مالىمەتتەر بويىنشا، ءورتتىڭ اۋماعى 7,7 گەكتاردى قۇرادى. ءورت جەرمەن جىلدام تارالعان.
ء"ورتتى ءسوندىرۋ جۇمىستارى قاتتى، ەكپىندى جەلدىڭ سالدارىنان قيىندادى. وقيعا ورنىندا شتاب قۇرىلىپ، ءورتتى سوندىرۋگە توتەنشە جاعدايلار دەپارتامەنتىنىڭ كۇشتەرى مەن قۇرالدارى، ورمان شارۋاشىلىعىنىڭ قىزمەتكەرلەرى، جەرگىلىكتى اتقارۋشى ورگانداردىڭ وكىلدەرى جانە ەرىكتى ءورت ءسوندىرۋ جاساقتارى جۇمىلدىرىلدى. ءىس-قيمىلداردى ۇيلەستىرۋ ماقساتىندا وقيعا ورنىنان دەپارتامەنتتىڭ داعدارىس ورتالىعىنا بەينەكونفەرەنتسبايلانىس ۇيىمداستىرىلدى. بارلىق قىزمەتتەردىڭ ۇيلەسىمدى جۇمىسىنىڭ ناتيجەسىندە ءورت ءسوندىرىلدى", دەلىنگەن تجم حابارلاماسىندا.
زارداپ شەككەندەر جوق.
