وسكەمەن قالاسىندا اسكەري بورىشىن وتەپ جۇرگەن 2004 جىلعى سارباز جوعالىپ كەتتى، دەپ حابارلايدى «ادىرنا» ءتىلشىسى.
وسكەمەن گارنيزونى اسكەري پوليتسيا ءبولىمىنىڭ مالىمەتىنشە، وقيعا 23 شىلدە كۇنى ساعات 06:30 شاماسىندا بولعان. قاتارداعى جاۋىنگەر مارحان ايقىن ەرلانۇلى تاۋلىكتىك نارياد قۇرامىندا كەزەكشى قىزمەتىن اتقارىپ جۇرگەن كەزدە قىزمەت ورنىن ءوز ەركىمەن تاستاپ كەتكەن.
الدىن الا مالىمەت بويىنشا، اسكەري ءبولىم اۋماعىنان شىققان كەزدە سارباز اسكەري فورمادا بولعان. الايدا ۆەدومستۆو وكىلدەرى كەيىننەن ونىڭ ازاماتتىق كيىمگە اۋىسۋى مۇمكىن ەكەنىن جوققا شىعارمادى.
اسكەري پوليتسيانىڭ مالىمەتىنشە، ىزدەستىرىلىپ جاتقان ساربازدىڭ بويى – 177 سم، سالماعى – شامامەن 80 كگ، دەنە ءبىتىمى – ورتاشا، كوزى مەن شاشى – قارا، شاشى قىسقا، بەتىندە مەڭدەرى بار.
«اسكەري پوليتسيا ءبولىمى ىشكى ىستەر ورگاندارىمەن بىرلەسىپ ىزدەستىرۋ ءىس-شارالارىن جۇرگىزىپ جاتىر. وسىعان بايلانىستى قازاقستان رەسپۋبليكاسى ازاماتتارىنان اسكەري قىزمەتشىنىڭ جۇرگەن جەرى تۋرالى قانداي دا ءبىر مالىمەت بەلگىلى بولعان جاعدايدا حابارلاۋدى سۇرايدى. بەرىلگەن اقپاراتتىڭ قۇپيالىلىعى ساقتالادى. ىزدەستىرۋ ءىس-شارالارى قازاقستان رەسپۋبليكاسى قارۋلى كۇشتەرى اسكەري پوليتسيا باس باسقارماسى باقىلاۋىندا»،- دەلىنگەن حابارلامادا.
"قازاق ەلىندە تۇراتىنىمىزدى ۇمىتپايىق". دەپۋتات ءماسليحات وتىرىسىن مەملەكەتتىك تىلدە وتكىزۋدى ۇسىندى
