وڭتۇستىك كورەيا سولتۇستىك كورەيادان شىققان اسكەري تۇتقىنداردى ءوز ەلدەرىنە قابىلداۋعا دايىن ەكەنىن مالىمدەدى، دەپ حابارلايدى "ادىرنا" ۇلتتىق پورتالى.
DW مالىمەتىنشە، 2025 جىلدىڭ باسىندا ۋكراينا قارۋلى كۇشتەرى رەسەيدىڭ كۋرسك وبلىسى اۋماعىندا سوعىسقا جىبەرىلگەن سولتۇستىك كورەيانىڭ ەكى اسكەري قىزمەتشىسىن تۇتقىنعا العان. كيەۆ ولاردى قاماۋدا ۇستاپ وتىر.
وڭتۇستىك كورەيا ءسىم ەگەر بۇل اسكەري تۇتقىندار بوساتىلعاننان كەيىن وڭتۇستىك كورەياعا كوشۋگە نيەت بىلدىرسە، ولاردى قابىلداۋعا دايىن ەكەنىن اتاپ ءوتتى. سەۋلدىڭ ۇستانىمىنا سايكەس، سولتۇستىك كورەيا ازاماتتارى وڭتۇستىك كورەيا كونستيتۋتسياسى بويىنشا دا ازامات بولىپ ەسەپتەلەدى جانە ولارعا ەلگە كەلۋگە قۇقىق بەرىلەدى.
سونىمەن قاتار اسكەري تۇتقىنداردى سولتۇستىك كورەياعا نەمەسە رەسەيگە قايتارۋعا قارسى ەكەنىن مالىمدەدى.
ۋكراينا تاراپى مەن وڭتۇستىك كورەيا اراسىندا بۇل ماسەلەگە قاتىستى ديپلوماتيالىق تالقىلاۋلار جالعاسۋدا. الداعى ۋاقىتتا جوعارى دەڭگەيدەگى كەلىسسوزدەر بارىسىندا اسكەري تۇتقىنداردىڭ مارتەبەسى مەن ولاردىڭ ەرىكتى تۇردە قونىس اۋدارۋ مۇمكىندىگى قاراستىرىلماق.
