فوتو: 112kz
الماتى قالاسىنىڭ المالى اۋدانىندا ورنالاسقان ەكى قاباتتى عيماراتتان ءورت شىقتى. بۇل تۋرالى تجم راستادى، دەپ حابارلايدى “ادىرنا”.
كۋاگەرلەردىڭ ايتۋىنشا، عيماراتتان كوتەرىلگەن قويۋ ءتۇتىن قالانىڭ بىرنەشە اۋدانىنان كورىنگەن. الەۋمەتتىك جەلى قولدانۋشىلارى ءورت شىققان نىساندا كاراوكە مەن سپورت كەشەنى ورنالاسقانىن جازۋدا.
توتەنشە جاعدايلار مينيسترلىگىنىڭ حابارلاۋىنشا، ءورت ءسوندىرۋ بولىمشەلەرى وقيعا ورنىنا جەتكەن كەزدە عيماراتتى جالىن شارپىعان.
ءورتتىڭ كورشى نىساندارعا تارالۋ قاۋپىنە بايلانىستى قوسىمشا كۇشتەر مەن ارنايى تەحنيكا جۇمىلدىرىلعان. سونىمەن قاتار ءورتتى ءسوندىرۋ جۇمىستارىن ۇيلەستىرۋ ءۇشىن جەدەل شتاب قۇرىلعان.
تجم كۇشتەرىمەن ءورت وقشاۋلاندى.
قازىرگى ۋاقىتتا ءورتتى تولىق ءسوندىرۋ جۇمىستارى جالعاسۋدا.
زارداپ شەككەندەر تۋرالى اقپارات تۇسكەن جوق.
