پرەزيدەنت قاسىم-جومارت توقاەۆتىڭ شاقىرۋىمەن 20-21 قازان كۇندەرى ازەربايجان باسشىسى يلحام اليەۆ قازاقستانعا مەملەكەتتىك ساپارمەن كەلەدى. بۇل تۋرالى اقوردانىڭ ءباسپاسوز قىزمەتى جازدى ، دەپ حابارلايدى «ادىرنا» ءتىلشىسى.
«ساپار بارىسىندا جوعارى دەڭگەيدەگى كەلىسسوزدەر جۇرگىزىلەدى. سونىمەن قاتار پرەزيدەنتتەر جوعارى مەملەكەتارالىق كەڭەسكە جانە قازاقستان-ازەربايجان بيزنەس فورۋمىنا قاتىسادى»،– دەلىنگەن حابارلامادا.
ەسكە سالايىق، 6 قازاندا پرەزيدەنت قاسىم-جومارت توقاەۆ ازەربايجانعا بارىپ، تۇركى مەملەكەتتەرى ۇيىمىنا مۇشە ەلدەر باسشىلارى كەڭەسىنىڭ ءحىى سامميتىنە قاتىسقان ەدى. قازاقستان باسشىسى 12 قاراشادا رەسەيگە مەملەكەتتىك ساپارمەن بارماق.
ۇقساس جاڭالىقتار
