پرەزيدەنت قاسىم-جومارت توقاەۆ ۆاشينگتوندا ازەربايجان مەن ارمەنيا اراسىندا قول قويىلعان بەيبىت كەلىسىمدى تاريحي ماڭىزدى وقيعا دەپ باعالادى، دەپ حابارلايدى "ادىرنا" ۇلتتىق پورتالى.
مەملەكەت باسشىسىنىڭ پىكىرىنشە، بۇل بىرەگەي قۇجاتتىڭ قابىلدانۋى اقش پرەزيدەنتى دونالد ترامپتىڭ بەلسەندى جانە ءتيىمدى بىتىمگەرلىك ميسسياسىنىڭ ارقاسىندا مۇمكىن بولدى.
«قۇجات ەكى مەملەكەت اراسىنداعى ۇزاققا سوزىلعان اسكەري قاقتىعىستى توقتاتىپ، ديپلوماتيالىق قاتىناستار ورناتۋعا جانە تۇراقتى بەيبىتشىلىك نەگىزىندە ىنتىماقتاستىقتى دامىتۋعا جول اشتى»، – دەلىنگەن اقوردا حابارلاماسىندا.
پرەزيدەنت توقاەۆ سونداي-اق قازاقستاننىڭ دا بۇل ماڭىزدى كەلىسىمگە ءوز ۇلەسىن قوسقانىن اتاپ ءوتتى. اتاپ ايتقاندا، الماتى قالاسى بەيبىت كەلىسىمنىڭ نەگىزگى پارامەترلەرىن تالقىلاۋ ءۇشىن ازەربايجان مەن ارمەنيا سىرتقى ىستەر مينيسترلەرىنىڭ كەزدەسۋ ورنى رەتىندە ۇسىنىلعان.
ەسكە سالا كەتەيىك، بۇعان دەيىن ازەربايجان مەن ارمەنيا ليدەرلەرى اقش پرەزيدەنتى دونالد ترامپتىڭ قاتىسۋىمەن بىرلەسكەن دەكلاراتسياعا قول قويعانى تۋرالى حابارلانعان.
