قازاقستاندىق مانەرلەپ سىرعاناۋشى ميحايل شايدوروۆ حالىقارالىق كونكيشىلەر وداعىنىڭ (ISU) جاڭارتىلعان الەمدىك رەيتينگىندە ەكىنشى ورىنعا كوتەرىلدى, دەپ حابارلايدى «ادىرنا» ءتىلشىسى.
قازىر ونىڭ ەنشىسىندە 4 193 ۇپاي بار. بۇعان دەيىن شايدوروۆتىڭ الەمدىك رەيتينگتەگى ەڭ جوعارى كورسەتكىشى ءۇشىنشى ورىن بولعان ەدى. وسىلايشا، ەكىنشى ورىن سپورتشىنىڭ مانسابىنداعى جاڭا جەكە رەكوردقا اينالدى.
رەيتينگتىڭ ءبىرىنشى ساتىسىندا 4590 ۇپايمەن امەريكالىق مانەرلەپ سىرعاناۋشى يليا مالينين تۇر. ال جاپونيا وكىلى يۋما كاگياما 4123 ۇپايمەن ءۇشىنشى ورىنعا سىرعىدى.
ايتا كەتەيىك، ميحايل شايدوروۆ ەكىنشى ورىنعا براتيسلاۆادا وتكەن ISU Challenger سەرياسىنداعى Memorial Ondrej Nepela حالىقارالىق تۋرنيرىندە قولا جۇلدە العاننان كەيىن كوتەرىلدى.
بۇل جەتىستىك – سپورتشىنىڭ جەكە رەكوردى عانا ەمەس، قازاقستاننىڭ ەرلەر اراسىنداعى جەكەلەي مانەرلەپ سىرعاناۋ تاريحىنداعى ەڭ ۇزدىك ناتيجە. بۇعان دەيىنگى رەكورد ءۇشىنشى ورىنعا دەيىە كوتەرىلگەن دەنيس تەنگە تيەسىلى ەدى.
