«شالقار» راديوسى - قازاقتىڭ كۇرەتامىرى، ۇلتتىڭ ءۇنجارياسى. عاسىرلار قويناۋىنان كەلە جاتقان ءتول مۇرامىزدى ناسيحاتتاۋدا ولشەۋسىز ەڭبەك ەتىپ كەلە جاتقان ۇلتتىق راديو ءالى دە تىڭ جاڭالىقتارىمەن تىڭدارمانىن قۋانتا بەرمەك. بيىل ءبىز ءۇشىن ەرەكشە، شىعارماشىلىق تابىس پەن ەڭبەكتىڭ جەمىسىنە تولى جىل بولدى.
ويتكەنى ۇلتتىڭ ءۇنجارياسى «شالقار» راديوسىنىڭ 60 جىلدىق مەرەيتويى جانە بۇل توي جىل باسىنان بەرى اتاپ وتىلۋدە. مەرەيتويلىق شارالار اياسىندا قازاقتىڭ تۇڭعىش راديوديكتورى، قازاق راديوسىنىڭ ارداگەرى، كسرو-نىڭ قۇرمەتتى ءراديسى، قازاق كسر-ءنىڭ ەڭبەك سىڭىرگەن مادەنيەت قايراتكەرى مينا سەيىتوۆا اتىنداعى ديكتورلار بايقاۋى جاريالانعان بولاتىن. بايقاۋدىڭ دەمەۋشىسى – كورنەكتى جازۋشى «عابيدەن قۇلاحمەت» قورى.
قازاقتىڭ تۇڭعىش راديوديكتورى، قازاق راديوسىنىڭ ارداگەرى، كسرو-نىڭ قۇرمەتتى ءراديسى، قازاق كسر-ءنىڭ ەڭبەك سىڭىرگەن مادەنيەت قايراتكەرى مينا سەيىتوۆا اتىنداعى ديكتورلار بايقاۋىنا 17 مەن 35 جاس ارالىعىنداعى ۇمىتكەرلەر قاتىستى. بۇل سايىستا مەكتەپتىڭ 11-سىنىپ وقۋشىلارىنان باستاپ، كوللەدج جانە جوو ستۋدەنتتەرى جانە ءار ءتۇرلى سالانىڭ ماماندارى ءوزىنىڭ باعىن سىنادى. بايقاۋدىڭ تالابى بويىنشا، جازۋشى عابيدەن قۇلاحمەت شىعارمالارىنان ەكى مينۋتتىق ءماتىندى وقىپ، اۋديوفايلمەن بىرگە ءوزىنىڭ قىسقاشا ءومىربايانىن جولداعان بولاتىن.
جازۋشى شىعارماشىلىعىنا تەرەڭ بويلاپ، ءوزى تاڭداپ العان ءبولىمدى تىڭداۋشىعا شەبەر جەتكىزۋ جانە داۋىس كوركەمدىگى مەن ءتىل انىقتىعىن قازىلار القاسى ءجىتى باقىلادى. ناتيجەسىندە بايقاۋعا 36 جۇمىس كەلىپ ءتۇستى. بايقاۋ شارتىنا جاسى سايكەس كەلمەي جۇمىسى قابىلدانباعان قاتىسۋشىلار سانى-5, انۋاربەك بايجانباەۆ اتىنداعى بايقاۋدىڭ جەڭىمپازى رەتىندە قاتىسا الماعان جۇمىس سانى-2 بولدى. قالعان 29 قاتىسۋشىنى ساراپتاپ، تامىرشىداي ءدال باسقان قازىلار القاسى شىنايى جۇيرىكتى انىقتاۋدا ءبىراز تەر توكتى.
بۇل شاراعا «قازاق راديولارى» جشس ديرەكتورى نۇرتاس سولتانۇلى، جازۋشى عابيدەن قۇلاحمەت قورىنىڭ» وكىلى تيمۋر تەمىربولاتوۆ، راديو ارداگەرى، ديكتور امانجان ەڭسەبايۇلى، “قازاقستان” ۇلتتىق ارناسىنىڭ باس پروديۋسەرى بولات ءمۇرسالىم جانە راديو ۇجىمى قاتىستى.
ديكتورلار بايقاۋى-«شالقار» راديوسىنىڭ ءتول برەندى. بيىلعى سايىس «شالقار» راديوسىنىڭ 60 جىلدىق مەرەيتويىمەن تۇسپا تۇس كەلىپ وتىر. وسى قازاقتىڭ تۇڭعىش راديوديكتورى مينا سەيىتوۆا اتىنداعى ديكتورلار بايقاۋىنىڭ اشىلۋى ارداقتى ديكتوردىڭ «التىن قورىمىزدا» ساقتالعان ءۇنىن تىڭداۋدان باستالدى. العاشقى قۇتتىقتاۋ ءسوز كەزەگىن العان «قازاق راديولارى» جشس ديرەكتورى نۇرتاس سولتانۇلى عابيدەن قۇلاحمەت قورىنىڭ وكىلى تيمۋر تەمىربولاتوۆقا «العىس حات» تابىستادى.
قازاقتا باپ شابا ما، باق شابا ما دەگەن اتالى ءسوز بار. بايقاۋدىڭ قازىلار القاسىنىڭ توراعاسى قازاقستاننىڭ ەڭبەك سىڭىرگەن قايراتكەرى، ارداگەر ديكتور امانجان ەڭسەبايۇلى اعامىز قانشاما ۇمىتكەردىڭ ىشىنەن باعى وزىپ، ديكتورلار بايقاۋىنىڭ جەڭىمپازى دەگەن مارتەبەلى اتاققا يە بولعان جۇلدەگەرلەردى قۇتتىقتاپ، باتاسىن بەردى.
بەس ىنتالاندىرۋ سىيلىعىن استانا قالاسىنداعى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جۋرناليستيكا ماماندىعى بويىنشا 3-كۋرس ستۋدەنتى اسىل مىرزاعاليەۆ پەن «جەتىسۋ» راديوسىندا رەداكتور، «جولىڭ بولسىن جولاۋشى» حابارىنىڭ جۇرگىزۋشىسى ءجۇمادىل ارايلىم جانە ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ 2-كۋرس ستۋدەنتى ايقىن مالي، تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ 2-كۋرس ستۋدەنتى، «شالقار» راديوسىنىڭ تۇراقتى تىڭدارمانى جولداس راۋان، شاحماردان ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتى ەلەكتر ەنەرگەتيكاسى توبىنىڭ 1-كۋرس ستۋدەنتى ەرمۇرات ورىنباەۆ يەلەندى.
3 ورىن كيمەپ ۋنيۆەرسيتەتىنىڭ مەنەدجمەنت ماماندىعى بويىنشا ستۋدەنتى، ورتالىق ازيا تسيفرلاندىرۋ ساراپشىلارى قاۋىمداستىعىنىڭ (CADEA) ۆيتسە-پرەزيدەنتى جانە قۇرىلتايشىسى سارقىتباي ەرسۇلتان، «Jibek Joly/Silk Way» تەلەارناسى ەفيرلىك قامتاماسىز ەتۋ قىزمەتىنىڭ ەفير اعا رەداكتورى اقمارال بەرعازدەنوۆا، ەسىك قالاسىنداعى «ەسىك گۋمانيتارلىق - پەداگوگيكالىق» كوللەدجىنە «قازاق ءتىلى مەن ادەبيەتى مۇعالىمى» ماماندىعىنىڭ 3-كۋرس ستۋدەنتى تۇرعىنبەك ايبىنعا بۇيىردى.
2 ورىندى سۇلەيمەن دەميرەل اتىنداعى ۋنيۆەرسيتەت جۋرناليستيكا فاكۋلتەتىنىڭ 1-كۋرس ستۋدەنتى نۇرعالي نۇرايىم مەن جەتىسۋ وبىلىسى تەكەلى قالاسىنداعى № 5-مەكتەپتە قازاق ءتىلى مەن ادەبيەتى ءپانى مۇعالىمى ادىلەت سەرىكۇلىنا تابىستادى.
1 ورىندى «تۇران تۆ» تەلەارناسىنىڭ جۋرناليست-رەداكتورى قۇرمانقۇل دارىن جانە «حابار» تەلەارناسى «وينايىق!» باعدارلاماسىنىڭ جۇرگىزۋشىسى، اكتەر، شوۋمەن ولجاباي دارىن، ياعني قوس دارىن ەسىمدى جىگىتتەر يەلەندى.
ال باس جۇلدەنى «Kultobe podcast» يۋتۋب ارناسىنىڭ ءجۋرناليسى جانە ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ اعا وقىتۋشىسى بەرىكبول تولەگەن ۇتىپ الدى. بۇل جەڭىس –تالماي ەڭبەكتەنۋدىڭ، كوپ ىزدەنىستىڭ، راديوعا دەگەن سۇيىسپەنشىلىكتىڭ جەمىسى. قۇتتىقتايمىز! بايقاۋعا قاتىسۋشىلارعا الدىڭعى بۋىن اعا-اپالارىنىڭ جولىن بەرسىن.
ءسوز سوڭىندا، قازاق راديوسىنىڭ ارداگەرى، كسرو-نىڭ قۇرمەتتى ءراديسى، قازاق كسر-ءنىڭ ەڭبەك سىڭىرگەن مادەنيەت قايراتكەرى مينا سەيىتوۆا اتىنداعى ديكتورلار بايقاۋىنا دەمەۋشىلىك جاساعان جازۋشى عابيدەن قۇلاحمەت قورىنا العىس بىلدىرەمىز! «شالقار» راديوسى شارىقتاي بەرسىن!
