وسى سەنبىدە قازاقستاننىڭ بارلىق اۋماعىندا پروفيلاكتيكالىق جۇمىستارعا بايلانىستى تەلەديدار مەن راديو وشىرىلەدى، دەپ حابارلايدى «ادىرنا» ۇلتتىق پورتالى. قازتەلەراديونىڭ ءباسپاسوز قىزمەتىنە سىلتەمە جاساپ.
«2023 جىلعى 23 جەلتوقساندا استانا ۋاقىتى بويىنشا ساعات 03:00-دەن 17:00-گە دەيىن «قازمەديا ورتالىعى» حابار تاراتۋ يادروسىن جاڭعىرتۋدىڭ كەزەكتى كەزەڭىن اياقتاۋ شەڭبەرىندە بارلىق تەحنولوگيالىق كەشەننىڭ جەلىلىك جابدىعىن اۋىستىرۋ جوسپارلانۋدا. سونداي-اق «قازتەلەراديو» اق سپۋتنيكتىك، تسيفرلىق جانە انالوگتىق ەفيرلىك جەلىلەردىڭ تەحنيكالىق قۇرالدارىندا سەرۆيستەردىڭ جابىلۋىمەن پروفيلاكتيكالىق جۇمىستار جۇرگىزىلەتىن بولادى»، - دەلىنگەن حابارلامادا. «قازتەلەراديودا» ۋاقىتشا قولايسىزدىقتار ءۇشىن كەشىرىم سۇرادى.«ادىرنا» ۇلتتىق پورتالى
