بەلگىلى كاسىپكەر سىرىمبەك تاۋ قۇرىلتايدىڭ تاريحي ماڭىزىنا توقتالىپ، ونىڭ قازاق حالقىنىڭ بىرلىگى مەن تۇتاستىعىن ساقتاۋداعى ءرولىن اتاپ ءوتتى، دەپ حابارلايدى «ادىرنا» ءتىلشىسى.
ايتۋىنشا، «قۇرىلتاي» ۇعىمى قازاق تاريحىندا ەرەكشە ورىن الادى. كاسىپكەر 1726 جىلى ابىلقايىر حاننىڭ باستاماسىمەن وتكەن ورداباسى قۇرىلتايىن مىسالعا كەلتىردى.
«قۇرىلتاي ءسوزى وتە ادەمى، ءيا؟ ەندى قاراساق، وسىدان تۋرا 300 جىل بۇرىن 1726 جىلى ابىلقايىر حان ورداباسى قۇرىلتايىن جاساعان. ول بيىل، مىسالى، تۋرا 300 جىل بولدى. ەندى سول جەردە جوڭعارلار شاپقىنشىلىعىنا قارسى تۇرۋ ءۇشىن ءۇش ءجۇزدىڭ باسىن قوسقان. سوندىقتان ءبىز ەشقاشان تاريحي ساتتەردى ۇمىتپاۋىمىز كەرەك. تاريحي ساتتەردە جىبەرگەن قاتەلىگىمىزدى، ۇتقان جەرىمىزدى قاراپ وتىرۋىمىز كەرەك»،–دەدى ول.
ۇقساس جاڭالىقتار
