فوتو: ءسىم
قازاقستاندىق ستۋدەنت الىشەر ازىمباەۆ توكيودا ءوتىپ جاتقان قۇرىلتاي دەپۋتاتتارىن سايلاۋعا قازاق قوعامىنداعى ءداستۇرلى بيلەردىڭ كيىمىن كيىپ باردى. بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى جازدى، دەپ حابارلايدى "ادىرنا".
الىشەر تسۋكۋبا ۋنيۆەرسيتەتىندە «مەملەكەتتىك ساياسات» ماماندىعىندا ءبىلىم الىپ ءجۇر. ول شەتەلدە العاشقىلاردىڭ ءبىرى بولىپ اشىلعان توكيوداعى سايلاۋ ۋچاسكەسىنە ارنايى ۇلتتىق وبرازدا كەلگەن.
سىرتقى ىستەر مينيسترلىگىنىڭ مالىمەتىنشە، ستۋدەنتتىڭ تاڭداۋى قازاق قوعامىنداعى ادىلدىك، زاڭ ۇستەمدىگى مەن دانالىقتى بەينەلەيتىن بيلەر ينستيتۋتىنىڭ تاريحي مانىمەن بايلانىستى.
ازىمباەۆتىڭ ايتۋىنشا، قۇرىلتاي دا ەل تاعدىرىنا قاتىستى ماڭىزدى ماسەلەلەر تالقىلاناتىن ءداستۇرلى ۇلتتىق جيىننىڭ زاماناۋي جالعاسى بولۋى ءتيىس.
«جاڭادان قۇرىلعان قۇرىلتاي وسى ءداستۇردى جالعاستىرىپ، حالىقپەن بىرلەسە وتىرىپ مەملەكەتتىك ماڭىزى بار ماسەلەلەردى شەشەتىن زاماناۋي ساياسي ينستيتۋتقا اينالادى دەپ ويلايمىن»، – دەدى ستۋدەنت.
23 تامىزدا قازاقستاندا ءبىرپالاتالى پارلامەنت – قۇرىلتاي دەپۋتاتتارىن سايلاۋ ءوتىپ جاتىر. جاڭا زاڭ شىعارۋشى ورگان بەس جىل مەرزىمگە سايلاناتىن 145 دەپۋتاتتان تۇرادى.
سايلاۋ قورىتىندىسىنان كەيىن قۇرىلتاي توراعاسى مەن ونىڭ ءۇش ورىنباسارى بەكىتىلەدى. جاڭا پارلامەنت جۇمىسىن باستاعان سوڭ قازىرگى ۇكىمەت ءوز وكىلەتتىگىن توقتاتادى.
