قۇرىلتايدىڭ العاشقى جيىنىنان سوڭ دەپۋتاتتاردىڭ ايلىعى ايتىلدى

قۇرىلتاي دەپۋتاتتارىنىڭ جالاقىسى 1 ميلليون تەڭگەگە دەيىن جەتەدى، دەپ حابارلايدى "ادىرنا" ءتىلشىسى.

بۇل تۋرالى 10 قىركۇيەكتە قۇرىلتايدىڭ العاشقى جالپى جيىنىنان كەيىن، پارلامەنت توراعاسىنىڭ ورىنباسارى دانيا ەسپاەۆا ايتتى.

ونىڭ ايتۋىنشا، دەپۋتاتتاردىڭ جالاقىسى ەڭبەك وتىلىنە بايلانىستى ەسەپتەلەدى. قازىر ولاردىڭ ايلىعى 600 مىڭنان 1 ميلليون تەڭگەگە دەيىن جەتەدى.

«ەگەر دەپۋتاتتىڭ ەڭبەك ءوتىلى كوپ بولسا، ونىڭ جالاقىسى 1 ميلليون تەڭگەگە جەتەدى»، – دەدى دانيا ەسپاەۆا.

بۇگىن، 10 قىركۇيەكتە، قۇرىلتاي دەپۋتاتتارىنىڭ العاشقى وتىرىسى ءوتتى. جاڭا جۇيەگە سايكەس، وتىرىستاردى وتكىزۋ ءتارتىبى بىرىزدەندىرىلىپ، تەرمينولوگيا جاڭا كونستيتۋتسيا تالاپتارىنا سايكەستەندىرىلگەن.

سونىمەن قاتار زاڭ جوبالارىن قاراۋ ءتارتىبى وزگەردى. ەندى قۇجاتتار ءۇش وقىلىمدا قارالادى. ءبىرىنشى وقىلىمدا زاڭ جوباسىنىڭ نەگىزگى ەرەجەلەرى، ماقساتى مەن مىندەتتەرى تالقىلانادى. ەكىنشى وقىلىمدا باس كوميتەتتىڭ سالىستىرمالى كەستەسىنە ەنگىزىلگەن تۇزەتۋلەر قارالادى. ءۇشىنشى وقىلىمدا زاڭ جوباسىنىڭ تۇپكىلىكتى رەداكتسياسى، ونىڭ كونستيتۋتسياعا سايكەستىگى جانە قۇقىقتىق ولقىلىقتاردى جويۋ ماسەلەلەرى قارالادى.

ال حالىقارالىق شارتتاردى راتيفيكاتسيالاۋ نەمەسە دەنونساتسيالاۋ ەكى وقىلىمدا جۇزەگە اسىرىلادى.

بۇدان بولەك، جاڭا كونستيتۋتسيالىق ورگان – قازاقستان حالىق كەڭەسىمەن ءوزارا ءىس-قيمىل ءتارتىبى دە جەكە رەگلامەنتتەلگەن. ونىڭ وكىلدەرى ءوز وكىلەتتىگى شەگىندە تىڭداۋلارعا، تۇراقتى كوميتەتتەر مەن جۇمىس توپتارىنىڭ وتىرىستارىنا قاتىسا الادى.

قۇرىلتايدىڭ العاشقى جالپى جيىنىنا 145 دەپۋتاتتان 140 ادام قاتىستى.