سەنات توراعاسى ماۋلەن اشىمباەۆ كرەملدەگى رەسەي پرەزيدەنتى ۆلاديمير پۋتين مەن قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ كەزدەسۋىنە قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
«تۇڭعىش پرەزيدەنتتىڭ ماسكەۋگە ساپارى جەكە سيپاتقا يە بولدى. ونىڭ ەشقانداي رەسمي مارتەبەسى بولعان جوق. تۇڭعىش پرەزيدەنتتىڭ قانداي دا ءبىر مارتەبەسى نەمەسە وكىلەتتىگى جوق. مەملەكەتتىك ساياساتتى جۇزەگە اسىرۋعا، ەلىمىزدىڭ سىرتقى ساياسي ستراتەگياسىن جۇرگىزۋگە بايلانىستى بارلىق وكىلەتتىك مەملەكەت باسشىسى قاسىم-جومارت توقاەۆتىڭ قولىندا»، – دەدى ول بەيسەنبى كۇنى سەنات كۋلۋارىندا.
سەنات سپيكەرى ەكس-پرەزيدەنتتەردىڭ وزگە ەلدەردىڭ ساياساتكەرلەرىمەن كەزدەسىپ، ساپارلار جاساۋعا قۇقىعى بار ەكەنىن ايتتى.
ء«بارى جەكە ءىس-شارالار اياسىندا ءوتىپ جاتىر»، – دەپ اتاپ ءوتتى اشىمباەۆ.
ەسكە سالايىق، 30 مامىردا نۇرسۇلتان نازارباەۆ ماسكەۋگە بارىپ، رەسەي پرەزيدەنتى ۆلاديمير پۋتينمەن جەكە كەزدەسۋ وتكىزگەن ەدى.
"رەسەي سوعىستى توقتاتۋ كەلىسسوزىنە دايىن". ءپۋتيندى كوندىرۋگە ترامپتىڭ ءبىر جازباسى جەتكىلىكتى بولدى
