كونگو دەموكراتيالىق رەسپۋبليكاسىنىڭ بۋكاۆۋ قالاسىندا بولعان ءورت سالدارىنان باستاۋىش سىنىپتا وقيتىن 20 وقۋشى قازا تاپتى، دەپ حابارلايدى "ادىرنا" ءتىلشىسى.
تاعى 50 وقۋشى ءتۇرلى دەڭگەيدە جاراقات الدى.
تاسس اگەنتتىگىنىڭ مالىمەتىنشە، ءورت ەكى باستاۋىش مەكتەپتىڭ ماڭىنداعى تۇرعىن ۇيدەن شىققان. جالىن مەكتەپ عيماراتتارىنا تەز تاراپ، سول ۋاقىتتا سىنىپتاردا وقۋشىلار بولعان.
جەرگىلىكتى مەديتسينالىق ورتالىققا ورتتەن قازا تاپقان 10 ادامنىڭ ءمايىتى جەتكىزىلگەن. كەيىن تاعى ءبىر اۋرۋحاناعا 50-دەن استام زارداپ شەككەن وقۋشى جەتكىزىلىپ، ولاردىڭ 14-ءى العان جاراقاتى مەن كۇيىكتەن كوز جۇمعان.
ءورت سالدارىنان اۋرۋحانانى قوسا العاندا، شامامەن 500 عيماراتتىڭ زاقىمدانعانى نەمەسە تولىعىمەن جويىلعانى حابارلاندى.
قازىر ءورتتىڭ شىعۋ سەبەپتەرى انىقتالىپ جاتىر.
ۇقساس جاڭالىقتار
