شىمكەنتتىك تۇرعىن پروكۋراتۋرا عيماراتىندا ءوزىن-ءوزى ورتەپ جىبەرەمىن دەپ قورقىتتى، دەپ حابارلايدى “ادىرنا” ءتىلشىسى.
قالالىق پروكۋراتۋرانىڭ حابارلاۋىنشا، ارىزدانۋشى قىلمىستىق ىستەردىڭ بىرىندەگى پروتسەسسۋالدىق شەشىممەن كەلىسپەيتىندىكتەرىن ءبىلدىرىپ، پروكۋراتۋرا عيماراتىنا كەلگەن بولىپ شىقتى. ولار شىمكەنت پروكۋرورىنىڭ جەكە قابىلداۋىن تالاپ ەتكەن. ءبولىم قىزمەتكەرلەرى نارازى ازاماتتارعا تۇسىندىرمە جۇمىسىن جۇرگىزگەن.
"شىمكەنت قالالىق پروكۋراتۋراسىنىڭ كەزەكشى پروكۋرورى ءتۇسىندىرۋ جۇمىستارىن جۇرگىزۋ بارىسىندا كەلۋشىلەردىڭ ءبىرى ۇستىنە جانارماي قۇيىپ، ءوزىن-ءوزى ورتەپ جىبەرمەك بولعان. پروكۋراتۋرانىڭ ۋاقتىلى جەدەل ارەكەت ەتۋىنىڭ ارقاسىندا ءوزىن-ءوزى ورتەپ جىبەرۋدىڭ الدىن الىندى", - دەدى حابارلامادا.
