سولتۇستىك قازاقستاندا جەكە تۇرعىن ءۇي ورتەنىپ، ەكى ادام قازا تاپتى

11 قاڭتار كەشكە سولتۇستىك قازاقستان وبلىسىنىڭ ماعجان جۇماباەۆ اتىنداعى اۋدانعا قاراستى مايبالىق اۋىلىندا جەكە تۇرعىن ءۇي ورتەندى. بۇل تۋرالى توتەنشە جاعدايلار دەپارتامەنتى مالىمدەدى، دەپ حابارلايدى "ادىرنا".

ءورت سالدارىنان ءۇي تولىقتاي وتقا ورانعان. ءۇي يەسىنىڭ ايتۋىنشا، ءورت بولعان ساتتە ءۇي ىشىندە ونىڭ جۇبايى مەن ەكى كامەلەتكە تولماعان بالاسى بولعان.

ء«ورتتى ءسوندىرۋ جانە ۇيىندىلەردى ارشۋ بارىسىندا قۇتقارۋشىلار ەر ادامنىڭ جانە ءبىر كامەلەتكە تولماعان بالانىڭ ءمايىتىن تاپتى. ەكىنشى بالانى ىزدەۋ جۇمىستارى جالعاسىپ جاتىر»، – دەلىنگەن تجد حابارلاماسىندا.

وقيعا ورنىنا دەپارتامەنت باسشىلىعى باردى، پسيحولوگتار ءۇي يەسىنە پسيحولوگيالىق كومەك كورسەتۋدە.

قازىرگى ۋاقىتتا ءورت تولىعىمەن ءسوندىرىلدى، شىعۋ سەبەبى انىقتالۋدا. وتتى سوندىرۋگە تجد-نىڭ 24 جەكە قۇرامى مەن 6 تەحنيكاسى، سونداي-اق «اگروفيرما» جشس-ءنىڭ ەرىكتى ءورت ءسوندىرۋ جاساعى جۇمىلدىرىلدى.