جەتىسۋدا وبلىستىق ماڭىزى بار «تالدىقورعان - ۇشتوبە» اۆتوجولىنىڭ ورتاشا جوندەۋى اياقتالدى. وبلىستىق ماڭىزى بار بۇل جولداعى جوندەۋ رەكوردتىق قىسقا مەرزىمدە – جوسپاردان ەكى اي بۇرىن اياقتالدى.
وسىلايشا، وبلىس قۇرىلعاننان بەرى نەگىزگى كۇرەجولدار – دوستىققا، قورعاسقا، لەپسىگە، ياعني بالقاش كولىنە، قاراتال اۋدانىنىڭ ەڭ شالعاي نۇكتەسى – كوپبىرلىككە، ەندى وعان قوسا ۇشتوبە قالاسىنا دەيىنگى جولدار جاسالدى. تەكەلىگە اپاراتىن جولدى جوندەۋ جوباسى جاسالۋدا. ءسويتىپ، تالدىقورعاندى اۋدان ورتالىقتارىمەن بايلانىستىراتىن بارلىق جولدار جوندەلىپ بىتەدى.
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە، تالدىقورعان مەن ۇشتوبە قالالارىنىڭ اراسىن جالعايتىن 42 شاقىرىمدىق جولدى جوندەۋ تۋرالى تاپسىرمانى وبلىس اكىمى بەيبىت يساباەۆ وتكەن جىلى بولعان قاراتال اۋدانىنىڭ تۇرعىندارىمەن كەزدەسۋىندە بەرگەن. سوعان سايكەس وسى جوبا قولعا الىنىپ، ونى ىسكە اسىرۋعا وبلىستىق بيۋدجەتتەن قارجى بولىنگەن.
- جول جوندەۋ جۇمىستارى وسى جىلدىڭ مامىر ايىندا باستالدى. ساراپتامانىڭ قورىتىندىسى بويىنشا قۇرىلىس جۇمىستارى 14 اي جۇرگىزىلۋى كەرەك بولعان، ياعني قاراشا ايىندا ءبىتۋى كەرەك ەدى، دەگەنمەن قارقىندى جۇمىستىڭ ارقاسىندا جوبا مەرزىمىنەن بۇرىن اياقتالىپ وتىر. مۇنداعى 42 شاقىرىمنىڭ 27 شاقىرىمى – بۇل ۇشتوبە قالاسىنىنا شىعابەرىستە جاڭاتالاپ اۋىلىنىڭ بۇرىلىسىنان باستالىپ، ەكى قابات اسفالت جامىلعىسىمەن جاسالدى، وعان قوسا جولدىڭ نەگىزىن تۇزەتۋ جۇمىستارى جۇرگىزىلدى. قالعان 15 شاقىرىمىندا جولدىڭ نەگىزى دۇرىس بولعاندىقتان، ءبىر قابات اسفالت جامىلعىسى جۇرگىزىلدى. ءسويتىپ اسفالتتاۋ جۇمىستارىن قىركۇيەك ايىنىڭ باسىندا اياقتاپ وتىرمىز. قازىر جول جيەكتەرىن رەتتەۋ جۇمىستارى 50% اياقتالدى. وسى ايدىڭ اياعىنا دەيىن جولدى ەكسپلۋاتاتسياعا قابىلدايتىن بولامىز، - دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى عالىمجان دارىباەۆ.
سونداي-اق 13 جەردەن سۋ وتكىزگىش قۇبىرلارى اۋىستىرىلدى، 4 جەردە باعدارشام ورناتىلدى، 4 ايالداما جوندەۋدەن وتكىزىلدى. سونىمەن قاتار جول بويىنداعى جول تاڭبالارى تەرموپلاست ماتەريالىمەن جاسالۋدا. ادەتتەگى جول تاڭبالارى ءۇش ايعا جارامدى بولسا، بۇل ماتەريال ودان الدەقايدا ۇزاق قىزمەت ەتەدى دەيدى ماماندار.
تەحنيكالىق قاداعالاۋ مەكەمەسى وكىلدەرى جۇمىستىڭ جول نەگىزىنەن باستاپ اسفالت توسەۋگە دەيىنگى بارلىق پروتسەسى باستان اياق قاداعالانعانىن جانە بەكىتىلگەن سمەتاعا سايكەس جاسالعانىن ايتادى.
«تالدىقورعان - ۇشتوبە» اۆتوجولىنىڭ بويىندا ورنالاسقان ەسكەلدى اۋىلىنىڭ تۇرعىندارى جولدىڭ جوندەلگەنىنە ريزا.
- ءوزىم ەسكەلدى اۋىلىندا ۇزاق جىلدان بەرى تۇرىپ كەلەمىن. جول قاتىناسى ءبىز ءۇشىن ەڭ ماڭىزدى ماسەلەنىڭ ءبىرى بولاتىن. قازىر جولىمىزدىڭ جاڭالانىپ، ارى-بەرى قاتىناستىڭ قولايلى بولا تۇسكەنى ءبىزدى قۋانتىپ وتىر. ايالدامامىز دا جوندەلدى. اۋىلدا بالالار ويىن الاڭى جاسالدى. اۋىلىمىز بىرتە-بىرتە كوركەيىپ كەلەدى، - دەدى اۋىل تۇرعىنى پاتيگۇل سايرانوۆا.
جالپى، جول ينفراقۇرىلىمىن جاقسارتۋ باعىتىندا قابىلدانعان شارالاردىڭ ارقاسىندا جاقسى جانە قاناعاتتانارلىق دەڭگەيدەگى وبلىستىق ماڭىزى بار جولداردىڭ ۇلەسى 97 % جۋىقتادى.
اتاپ وتسەك، بيىل وبلىستا 370 شاقىرىمعا جۋىق اۆتوموبيل جولى جوندەلۋدە. سونىمەن قاتار ءوڭىردىڭ 38 ەلدى مەكەنىندە 230-عا جۋىق كوشە جولدارى جوندەلۋ ۇستىندە.
