كەڭەستىڭ جۇمىسىنا مەملەكەتتىك ورگانداردىڭ باسشىلارى، ادەپ جونىندەگى ۋاكىلدەر، بۇقارالىق اقپارات قۇرالدارىنىڭ وكىلدەرى قاتىستى.
وسىلايشا، كۇن تارتىبىنە سايكەس، مەملەكەتتىك قىزمەت سالاسىنداعى زاڭناما جانە قىزمەتتىك ادەپ تالاپتارىنىڭ ساقتالۋى ماسەلەسى بويىنشا شىڭعىرلاۋ اۋدانى اكىمى م. ومىراليەۆتىڭ ەسەبى تىڭدالىپ، زاڭناما بۇزۋشىلىقتارىنىڭ الدىن الۋ شارالارى تۋرالى باياندادى.
سونداي-اق، باتىس قازاقستان وبلىسى بويىنشا باسەكەلەستىكتى قورعاۋ جانە دامىتۋ دەپارتامەنتىنىڭ ادەپ جونىندەگى ۋاكىلى قىزمەتتىك ادەپتى ساقتاۋ مونيتورينگى مەن باقىلاۋ جۇمىستارىنىڭ ناتيجەلەرى تۋرالى ەسەپ بەردى.
سونىمەن قاتار، ورتالىق مەملەكەتتىك ورگانداردىڭ اۋماقتىق بولىمشەلەرى مەن جەرگىلىكتى اتقارۋشى ورگانداردا وتكىزىلگەن
بوس مەملەكەتتىك اكىمشىلىك لاۋازىمدارعا ورنالاسۋ كونكۋرستارىنىڭ تالداۋ ناتيجەلەرى قارالدى.
كونكۋرستاردىڭ باسىم بولىگى اشىق جانە مەريتوكراتيا قاعيداتتارىنا ساي وتكىزىلگەنىمەن، دەربەس مەملەكەتتىك ورگانداردا اڭگىمەلەسۋ كەزەڭدەرىندە ۇيىمداستىرۋشىلىق سيپاتتاعى كەمشىلىكتەر ورىن العان.
بۇل رەتتە، كانديداتتاردىڭ كاسىبي جانە تۇلعالىق قاسيەتتەرىن باعالاۋ كەزىندە وبەكتيۆتىلىك پەن اشىقتىقتى قامتاماسىز
ەتۋ قاجەتتىگىنە نازار اۋدارىلدى.
«مەملەكەتتىك قىزمەتكە ىرىكتەۋ پروتسەسى اشىق ءارى ءادىل
بولۋى – مەملەكەتتىك اپپاراتتىڭ تيىمدىلىگى مەن قوعامنىڭ سەنىمىن ارتتىرۋدىڭ باستى فاكتورى. سوندىقتان كونكۋرستىق كوميسسيالاردىڭ جاۋاپكەرشىلىگى مەن كاسىبيلىگى جوعارى دەڭگەيدە ساقتالۋى ءتيىس»، – دەدى ادەپ جونىندەگى كەڭەستىڭ توراعاسى م. بايسالوۆ.
بۇدان بولەك، 2025 جىلعى 3-توقساننىڭ قورىتىندىلارى بويىنشا ورتالىق مەملەكەتتىك ورگانداردىڭ اۋماقتىق بولىمشەلەرى مەن جەرگىلىكتى اتقارۋشى ورگانداردىڭ تارتىپتىك پراكتيكاسىن تالداۋ ناتيجەلەرى قارالدى.
وسىلايشا، دەربەس مەملەكەتتىك ورگانداردا پروفيلاكتيكالىق-ءتۇسىندىرۋ جۇمىستارىنىڭ جەتكىلىكسىزدىگى، سونداي-اق باسشىلىق قۇرام تاراپىنان قىزمەتشىلەردىڭ ءتارتىبىن باقىلاۋ تەتىكتەرىنىڭ السىزدىگى بايقالدى.
دەپارتامەنتپەن قابىلدانعان شارالاردىڭ ناتيجەسىندە 3 مەملەكەتتىك قىزمەتشىگە زاڭناما تالاپتارى بۇزىلا وتىرىپ قابىلدانعان تارتىپتىك جازا قولدانۋ تۋرالى اكتىلەردىڭ كۇشى جويىلىپ، بۇزىلعان زاڭدى قۇقىقتارى قالپىنا كەلتىرىلدى.
كەڭەستىڭ مۇشەلەرى تالداۋ ناتيجەلەرىن نازارعا الىپ، مەملەكەتتىك ورگاندارعا قىزمەتتىك ءتارتىپ پەن ادەپ نورمالارىن ساقتاۋ بويىنشا ناقتى شارالار قابىلداۋ، سونداي-اق تارتىپتىك تاجىريبەنى جۇيەلى تۇردە باعالاپ وتىرۋ جونىندە ۇسىنىمدار ازىرلەدى.
سوعان قوسا، قىزمەتتىك ادەپ تالاپتارىن ساقتاماۋ فاكتىسى بويىنشا بايتەرەك جانە تەرەكتى اۋداندارى اكىمدىكتەرىنىڭ لاۋازىمدى تۇلعالارىنا قاتىستى تارتىپتىك ءىس ماتەريالدارى قارالىپ، كەڭەسپەن ءتيىستى تارتىپتىك جازانى قولدانۋ تۋرالى شەشىم قابىلداندى.
ادەپ جونىندەگى كەڭەستىڭ توراعاسى مۇرات بايسالوۆ ءوز سوزىندە مەملەكەتتىك قىزمەتشىلەردىڭ كاسىبي ەتيكاسىن ساقتاۋ، ادالدىق قاعيداتتارىن ۇستانۋ جانە قوعامنىڭ مەملەكەتتىك اپپاراتقا دەگەن سەنىمىن نىعايتۋ قاجەتتىگىن اتاپ ءوتتى.
«ادەپ كودەكسىنىڭ نورمالارى – ءاربىر مەملەكەتتىك قىزمەتشىنىڭ كۇندەلىكتى قىزمەتىندە باسشىلىققا الاتىن نەگىزگى قاعيداتتارى. بۇل قاعيدالاردى ساقتاۋ – قوعامنىڭ مەملەكەتكە دەگەن سەنىمىن ارتتىرۋدىڭ باستى كەپىلى»، – دەدى كەڭەستىڭ توراعاسى.
وتىرىستىڭ قورىتىندىسى بويىنشا ءتيىستى ۇسىنىمدار قابىلدانىپ، مەملەكەتتىك ورگاندارعا ناقتى تاپسىرمالار بەرىلدى. كەڭەستىڭ مۇشەلەرى ۇسىنىستاردى ورىنداۋ بارىسىندا قىزمەتتىك ءتارتىپتى نىعايتۋ مەن ادەپ مادەنيەتىن ارتتىرۋدىڭ ماڭىزدىلىعىنا ەرەكشە توقتالدى.
