قازاقستان رەسپۋبليكاسى قاۋىپسىزدىك كەڭەسى اپپاراتىنىڭ باسشىلىعىنا بىرقاتار جاڭا تاعايىنداۋ جاسالدى، دەپ حابارلايدى "ادىرنا".
بۇل تۋرالى اقوردا ءباسپاسوز قىزمەتى حابارلادى.
مۇرات بايمۇقاشەۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ باسشىسى بولىپ تاعايىندالدى. وسىعان بايلانىستى ول بۇرىنعى اتقارعان قىزمەتىنەن بوساتىلدى.
نۇرجان قاجىاقباروۆ اپپارات باسشىسىنىڭ ءبىرىنشى ورىنباسارى قىزمەتىنە تاعايىندالدى. ال رۋسلان جاقسىلىقوۆ پەن گەننادي زۋەۆ اپپارات باسشىسىنىڭ ورىنباسارلارى بولدى.
ءتيىستى وكىمدەرگە مەملەكەت باسشىسى قاسىم-جومارت توقاەۆ قول قويدى.
ءبىر كەزدە قورعانىس ءمينيسترى بولعان رۋسلان جاقسىلىقوۆ "ۇناماسا، كوشىپ كەت" فرازاسىمەن اتى شىققان. ول قىزمەتتەن كەتكەن سوڭ تەكسەرىلگەنى جايلى ءتۇرلى قاۋەسەت تاراعان.
ۇقساس جاڭالىقتار
