بەلگىلى تەلەجۋرناليست ەرقانات كوپجاسار «قازاقستان» ارناسىنىڭ الماتى فيليالىنا ديرەكتور بولدى. بۇگىن Qazaqstan رەسپۋبليكالىق تەلەراديوكورپوراتسياسى توراعاسىنىڭ ورىنباسارى ايزادا جامانقۇلوۆا «قازاقستان» رترك» الماتى قالاسىنداعى فيليالى ۇجىمىنا جاڭا باسشىسىن تانىستىردى، دەپ حابارلايدى "ادىرنا".
ەرقانات كوپجاسار «تاڭشولپان»، «كەش جارىق، قازاقستان»، «اشىق الاڭ» حابارلارىنىڭ جۇرگىزۋشىسى بولعان.
ول 1987 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جۋرناليستيكا ماماندىعى بويىنشا تامامداعان.
ەڭبەك جولىن 2012 جىلى قازاق راديوسىنىڭ «الەۋمەت» رەداكتسياسىندا رەداكتور بولىپ باستاعان. كەيىن قازاق راديوسىنىڭ الماتى ستۋدياسىندا رەداكتور قىزمەتىن اتقاردى. 2017-2022 جىلدار ارالىعىندا «31 كانال» تەلەراديوكومپانياسىنىڭ «ينفورمبيۋرو» اقپاراتتىق باعدارلامالار بولىمىندە جەتەكشى ءتىلشى بولدى. 2022 جىلدان بەرى «قازاقستان» تەلەراديوكورپوراتسياسىندا، «Qazaqstan» ۇلتتىق تەلەارناسىنىڭ باعدارلامالار ءوندىرىسى جونىندەگى ديرەكتسياسىندا پروديۋسەر-جۇرگىزۋشى جانە «اشىق الاڭ» باعدارلاماسىنىڭ جۇرگىزۋشىسى قىزمەتىن اتقارىپ كەلدى.
