قازاقستاندا 2027 جىلى مۇناي ءوندىرۋ كولەمى تومەندەۋى ىقتيمال. بۇعان ەلىمىزدەگى ەڭ ءىرى مۇناي كەن ورىندارىنىڭ ءبىرى – تەڭىز كەن ورنىندا جۇرگىزىلەتىن جوندەۋ جۇمىستارىنىڭ مەرزىمىنىڭ كەيىنگە شەگەرىلۋى سەبەپ بولادى. بۇل تۋرالى قازاقستان ۇلتتىق بانكىنىڭ توراعاسى تيمۋر سۇلەيمەنوۆ مالىمدەدى، دەپ حابارلايدى "ادىرنا".
ونىڭ ايتۋىنشا، ۇلتتىق بانك بيىلعى جىلعا ارنالعان ەسەپتەۋلەرىندە مۇناي ءوندىرۋ كولەمىن باستاپقىدا 98 ملن توننا دەڭگەيىندە قاراستىرعان. كەيىن بۇل كورسەتكىش قايتا قارالىپ، 96 ملن تونناعا تومەندەتىلگەن.
ال 2027 جىلعا ۇلتتىق بانك ءوز ەسەپتەۋلەرىندە مۇناي ءوندىرۋ كولەمىن 96 ملن توننا دەڭگەيىندە بولجاپ وتىر.
مۇناي ءوندىرىسىنىڭ كولەمى قازاقستان ەكونوميكاسىنىڭ نەگىزگى كورسەتكىشتەرىنىڭ ءبىرى سانالادى. سوندىقتان ءوندىرىستىڭ تومەندەۋى ەلدىڭ ەكسپورتتىق تۇسىمىنە، بيۋدجەت كىرىستەرىنە جانە ەكونوميكالىق ءوسىم قارقىنىنا اسەر ەتۋى مۇمكىن.
ۇلتتىق بانكتىڭ مالىمەتىنشە، تەڭىز كەن ورنىنداعى جوندەۋ جۇمىستارىنىڭ مەرزىمى مەن ءوندىرىس كولەمىنە ىقپالى الداعى كەزەڭدەگى ەكونوميكالىق بولجامداردا ەسكەرىلەتىن نەگىزگى فاكتورلاردىڭ ءبىرى بولىپ وتىر.
