باس سانيتار دارىگەر ايجان ەسماعامبەتوۆا "قازاقستان رەسپۋبليكاسىندا قىزىلشا بويىنشا سانيتاريالىق-ەپيدەمياعا قارسى جانە سانيتاريالىق-پروفيلاكتيكالىق ءىس-شارالاردى ۇيىمداستىرۋ جانە وتكىزۋ تۋرالى" 2023 جىلعى 14 ناۋرىزداعى قاۋلىعا قول قويدى. قاۋلى سانيتاريالىق-ەپيدەميولوگيالىق كوميەتتىڭ رەسمي سايتىندا جاريالاندى، دەپ حاباردايدى “ادىرنا” ۇلتتىق پورتپلى.
قاۋلىدا قاجەت بولعان جاعدايدا جاپپاي ۆاكتسيناتسيا جۇرگىزۋ ماسەلەسى قوزعالعان.
سونداي-اق، قۇجاتتا ۆاكتسينامەن باسقارىلاتىن ينفەكتسيالاردىڭ پروفيلاكتيكاسى جانە يممۋنداۋدان باس تارتۋلار سالدارى بويىنشا حالىق اراسىندا اقپاراتتىق-ءتۇسىندىرۋ جۇمىسىن كۇشەيتۋدى قامتاماسىز ەتۋ ماقساتىندا مىنا ەرەجەلەر بەكىتىلگەن:
- شەتەلدىك ازاماتتاردى قوسا العاندا اقپاراتتاندىرىلعان كەلىسىمدى العاننان كەيىن قىزىلشامەن اۋىراتىن ناۋقاسپەن سوڭعى بايلانىستا بولعان ساتتەن باستاپ 72 ساعاتتان كەشىكتىرمەي بايلانىستا بولعان 30 جاسقا دەيىنگى ادامدارعا شۇعىل ۆاكتسيناتسيا جۇرگىزۋ;
- اۋرۋدىڭ سوڭعى جاعدايى انىقتالعان ساتىنەن باستاپ 21 تاۋلىكتىڭ ىشىندە بايلانىستا بولعان ادامداردى كۇندەلىكتى مەديتسينالىق باقىلاۋ;
- ۆاكتسيناتسيالاۋمەن تومەن قامتىلعان، حالىقتىڭ قيىن قولجەتىمدى توپتارى بار جانە كوشىپ-قونۋشىلاردىڭ، تىركەلمەگەن ادامداردىڭ سانى جوعارى اۋماقتارعا اسا نازار اۋدارا وتىرىپ، وڭىر بويىنشا 30 جاسقا دەيىنگى ادامداردىڭ ەگىلۋىنە تالداۋ جۇرگىزۋدى، قازاقستان رەسپۋبليكاسىنىڭ ازاماتتارى اراسىندا قىزىلشاعا قارسى ەگىلمەگەن جانە ەگىلۋى تۋرالى دەرەكتەرى جوق ادامدار انىقتالعان كەزدە اقپاراتتاندىرىلعان كەلىسىمدى العاننان كەيىن ولاردى ءبىر رەت يممۋنداۋ بويىنشا شارالار قابىلداۋدى;
- اقپاراتتاندىرىلعان كەلىسىمدى العاننان كەيىن بۇرىن قىزىلشاعا قارسى ەگىلمەگەن 55 جاسقا دەيىنگى مەديتسينا قىزمەتكەرلەرىن ۆاكتسيناتسيالاۋدى ۇيىمداستىرۋ;
- وبلىستاردىڭ، الماتى، شىمكەنت، استانا قالالارىنىڭ دەنساۋلىق ساقتاۋ باسقارمالارى مەن سانيتاريالىق-ەپيدەميولوگيالىق باقىلاۋ دەپارتامەنتتەرىنىڭ قىزىلشامەن سىرقاتتانۋشىلىقتىڭ پروفيلاكتيكاسى جانە يممۋنداۋدان باس تارتۋ سالدارى جونىندەگى بىرلەسكەن جوسپارىن ازىرلەۋدى جانە بەكىتۋ;
