ءلاززات تانىسباي «حابار» اگەنتتىگى» اق باسقارما توراعاسى قىزمەتىنە تاعايىندالدى. بۇل تۋرالى بۇگىن، 31 تامىزدا مادەنيەت جانە اقپارات مينيسترلىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
ءلاززات تانىسبايدىڭ تەلەۆيزيا جانە مەديا سالاسىنداعى ەڭبەك ءوتىلى 30 جىلدان اسادى. ءار جىلدارى ول «استانا» تەلەارناسىن، «نۇر-مەديا» مەدياحولدينگىن، «قازاقستان» رترك» اق-نى جانە ء«بىرىنشى ارنا ەۋرازيا» تەلەارناسىن باسقاردى. سونداي-اق قازاقستان رەسپۋبليكاسىنىڭ بايلانىس جانە اقپارات ۆيتسە-ءمينيسترى قىزمەتىن اتقاردى.
«حابار» اگەنتتىگىنىڭ» باسقارما توراعاسى رەتىندە ءلاززات تانىسبايعا اگەنتتىكتىڭ قالىپتاسقان الەۋەتىن ساقتاي وتىرىپ، ونىڭ نەگىزگى قىزمەت باعىتتارىن كەزەڭ-كەزەڭىمەن جاڭعىرتۋ، سونداي-اق «24KZ» تەلەارناسىنىڭ ەلىمىزدىڭ جەتەكشى قوعامدىق-ساياسي ارناسى رەتىندەگى ورنىن نىعايتۋ مىندەتى قويىلدى»،–دەلىنگەن حابارلامادا.
بۇعان دەيىن «حابار» اگەنتتىگى» اق باسقارما توراعاسى بولعان كەمەلبەك ويشىباەۆ قىزمەتىنەن كەتتى.
