Läzzat Tanysbai «Habar» agenttıgı» AQ basqarma töraǧasy qyzmetıne taǧaiyndaldy. Būl turaly bügın, 31 tamyzda Mädeniet jäne aqparat ministrlıgınıŋ baspasöz qyzmetı aitty, dep habarlaidy «Adyrna» tılşısı.
Läzzat Tanysbaidyŋ televiziia jäne media salasyndaǧy eŋbek ötılı 30 jyldan asady. Är jyldary ol «Astana» telearnasyn, «Nūr-Media» mediaholdingın, «Qazaqstan» RTRK» AQ-ny jäne «Bırınşı arna Euraziia» telearnasyn basqardy. Sondai-aq Qazaqstan Respublikasynyŋ Bailanys jäne aqparat vise-ministrı qyzmetın atqardy.
«Habar» agenttıgınıŋ» basqarma töraǧasy retınde Läzzat Tanysbaiǧa agenttıktıŋ qalyptasqan äleuetın saqtai otyryp, onyŋ negızgı qyzmet baǧyttaryn kezeŋ-kezeŋımen jaŋǧyrtu, sondai-aq «24KZ» telearnasynyŋ elımızdıŋ jetekşı qoǧamdyq-saiasi arnasy retındegı ornyn nyǧaitu mındetı qoiyldy»,–delıngen habarlamada.
Būǧan deiın «Habar» agenttıgı» AQ basqarma töraǧasy bolǧan Kemelbek Oişybaev qyzmetınen kettı.
