الماتىدا تولە بي داڭعىلىمەن كەلە جاتقان زيل جۇك كولىگىن ءورت شارپىدى. بۇل تۋرالى الماتى قالالىق پوليتسيا دەپارتامەنتى جاريالادى، دەپ حابارلايدى "ادىرنا".
وقيعا بايتۇرسىنوۆ كوشەسىمەن قيىلىستا بولعان. الدىمەن جۇك كولىگىنىڭ كاپوت استىنان ءتۇتىن شىققان. كەيىن كولىكتى جالىن شارپىعان.
وقيعا ورنىنا ءورت سوندىرۋشىلەر، پوليتسيا قىزمەتكەرلەرى جانە جەدەل جاردەم بريگاداسى جەتتى. ماماندار ءورتتى ءسوندىرىپ، پوليتسيا قىزمەتكەرلەرى اۋماقتى قورشاۋعا العان.
وقيعا سالدارىنان ەشكىم زارداپ شەككەن جوق، مەديتسينالىق كومەككە جۇگىنگەندەر بولماعان.
ءورت سوندىرىلگەننەن كەيىن كولىك قوزعالىسىن قالپىنا كەلتىرۋ ماقساتىندا جۇك كولىگى جولدىڭ ءجۇرىس بولىگىنەن شىعارىلدى.
قازىر ءورتتىڭ شىعۋ سەبەبى انىقتالىپ جاتىر.
ۇقساس جاڭالىقتار
