الماتى-2 تەمىرجول ستانتسياسىندا 15 جاستاعى ءجاسوسپىرىم پويىز ۆاگونىنىڭ توبەسىنە شىعىپ، جوعارى كەرنەۋلى توق سوقتى، دەپ حابارلايدى "ادىرنا" ۇلتتىق پورتالى.
بۇل تۋرالى «قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتى حابارلادى.
وقيعا 19 شىلدە كۇنى ساعات 18:55 شاماسىندا بولعان.
دارىگەرلەردىڭ مالىمەتىنشە، بالا ءتىرى. الايدا دەنەسىن كۇيىك شالعانى بەلگىلى بولدى.
«جولعا ءوز ەركىمەن شىعۋ نەمەسە جىلجىمالى قۇرامعا جاقىنداۋ ارەكەتتەرى ادام ءومىرى مەن دەنساۋلىعىنا اۋىر زارداپ كەلتىرۋى مۇمكىن»، — دەلىنگەن رەسمي حابارلامادا.
اتالعان فاكتى بويىنشا قىزمەتتىك تەرگەۋ جۇمىستارى باستالدى.
ۇقساس جاڭالىقتار
