الماتى اكىمدىگى «الماتى قالا جارىق» كومپانياسىن جەكەشەلەندىرۋ تۋرالى شەشىم زاڭسىز دەپ باعالادى

2849
Adyrna.kz Telegram

ەندى كومپانيا قالانىڭ مەنشىگىنە قايتارىلماق. الماتى قالاسى اكىمدىگى مەن باسەكەلەستىكتى قورعاۋ جانە دامىتۋ اگەنتتىگى «الماتى قالا جارىق» شجق مكقك-نى كوممۋنالدىق مەنشىككە قايتارۋ بويىنشا بىرلەسكەن جۇمىس جۇرگىزدى، دەپ حابارلايدى "ادىرنا" ۇلتتىق پورتالى اكىمدىكتىڭ سايتىنا سىلتەپ.

كاسىپورىن قالانىڭ سىرتقى جارىقتاندىرۋ جۇيەسىن اۆتوماتتاندىرىلعان جانە ورتالىقتاندىرىلعان باقىلاۋىنا جاۋاپتى.

2021 جىلدىڭ جەلتوقسان ايىنىڭ سوڭىندا سول كەزدە الماتى قالاسىنىڭ اكىمى بولعان باقىتجان ساعىنتاەۆتىڭ شەشىمىمەن «الماتى قالا جارىق» مكك تەندەر ارقىلى جۇزەگە اسىرىلدى. «ABM Group.com» جشس جەڭىمپاز اتاندى. مامىلە 4,6 ملرد تەڭگەنى قۇرادى، بولجامدى قۇنى 14,8 ملرد تەڭگە.

باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتى ۇيىمنىڭ قالاداعى سىرتقى جارىقتاندىرۋ جۇيەلەرىن اۆتوماتتاندىرىلعان ورتالىقتاندىرىلعان باسقارۋ قىزمەتتەرىن كورسەتۋ نارىعىندا مونوپوليالىق جاعدايعا يە ەكەنىن انىقتادى.

«قازاقستان رەسپۋبليكاسىنىڭ مەملەكەتتىك مۇلىك تۋرالى زاڭىنىڭ نورمالارىنا سايكەس، نارىق سۋبەكتىسى بولىپ تابىلاتىن، ۇستەم نەمەسە مونوپوليالىق جاعدايدى يەلەنەتىن ۇيىمداردى جەكەشەلەندىرۋ تۋرالى شەشىم قابىلداۋ ەل ۇكىمەتىنىڭ قۇزىرەتىنە جاتادى. وسىلايشا، الماتى اكىمدىگىنىڭ «الماتى قالا جارىق» جەكەشەلەندىرۋ تۋرالى قاۋلىسى مەملەكەتتىك مۇلىك تۋرالى زاڭناما نورمالارىنا قايشى كەلەدى جانە باسەكەلەستىكتى شەكتەيدى»، - دەپ حابارلادى اكىمدىك.

قازىرگى قالا بيلىگىنىڭ پايىمداۋىنشا، «الماتى قالا جارىق» جەكەشەلەندىرۋ ستراتەگيالىق مەملەكەتتىك كاسىپورىندى جوعالتۋى مۇمكىن. سوندىقتان الماتى اكىمدىگى كومپانيانى جەكەشەلەندىرۋ تۋرالى شەشىمنىڭ كۇشىن جويۋ شارالارىن قولعا الۋدا.

"ادىرنا" ۇلتتىق پورتالى

پىكىرلەر